【蕊蕊上位】
金剛女友陳蕊蕊星途浮沉多年，今年決定盡地一煲，借寫真上位。
近年書展被𡃁模騎劫，新人不惜賣肉博出位，周秀娜和楊穎（Angelababy）兩位當年戰場勝利者已搣甩𡃁模朵，但仍有𡃁模族類樂此不疲利用寫真搶曝光。今年寫真戰主要分新舊黨派，舊黨代表有出過寫真的黃榕、王璐瑤、仙樂都、Donut和AD2等，新黨的陳蕊蕊、劉俐（藍莓）則食「知名度」搶銷量，她們分別硬撼全新面孔的羅彩玲師妹趙詠瑤（Kimi）、李蘊師妹顧千瑩、日模清穗久美子和韓模金愛妍。水着女誓要谷咪倒奶誘宅男買書，男神趙勁皓也不甘示弱，孖另一猛男Karl一齊腿張開大玩鋼管舞。
當中以陳蕊蕊的處女寫真最索，她可不擔心寫真集已近水尾：「我唔係成日影呢啲相，少見會有新鮮感，今次我影得最放。寫真都仲有巿場，總有人鍾意睇靚嘢。」
熟女黃榕無懼一班青春勁敵還挑機說：「佢哋名都噏唔出，唔係人出佢又出咁麻木，冇人買盞浪費地球資源。」
【甜美藍莓】
藍莓樣子標致，笑容甜美，出埋一對長腿即殺晒。
【愛妍襲港】
韓模金愛妍身材勻稱，挾着一股襲港韓流也出寫真吸金。
【熟女黃榕】
熟女黃榕半裸出擊，更寸嘴向青春勁敵
【翻版Jeana】
驟眼望去有點像Jeana的顧千瑩（圖），希望憑性感寫真殺入娛圈。
【隆胸詠瑤】
整容隆胸後的趙詠瑤（圖），倒模變33D謝安琪加入今年寫真戰。
【勁皓騷肌】
男神King（右）孖另一猛男Karl拍檔騷肌，希望在水着女中突圍而出。
from:
http://hk.apple.nextmedia.com/entertainment/art/20140627/18777837
