張智霖追部辣跑，浪漫飛馳

影星張智霖（Chilam）向來是愛車之人，高峰期曾同時擁有五部名車，Chilam自言現在已長大，買車只要精準，不會濫買，但他承認想買部跑車，滿足一下個人的浪漫。

張智霖前晚出席Audi發佈晚宴，一向愛車的他又心思思想買部跑車浪漫嚇。

前晚Chilam在啟德郵輪碼頭出席名車Audi A8L/S8發佈晚宴，眾所周知是愛車之人的他，亦大嘆香港寸金尺土車位欠奉，實在不夠地方供泊車之用，加上自己已經「長大」，故目前擁有的座駕由高峰期五部，下降至只有兩架私家車及一輛家庭車，Chilam笑說：「其實人就得一個，手又得一對，車太多都揸唔曬啦。我自己鍾意現代技能嘅車，同埋古董車，不過依家最重要都係揀精準嘅車！」

「好少會寂寞」

身家豐厚的Chilam，玩過不少靚車，但他不禁抱怨香港地車位不足，即使有車也沒有地方泊，他笑說：「如果有車位嘅，都想買番架跑車，滿足嚇一個人嘅浪漫。」

張智霖與奧迪香港董事總經理Reinhold Carl言談甚歡。

張智霖不受誘惑，最開心是靚靚了。

談到近況，Chilam表示正努力keep fit迎接即將舉行的演唱會，勤做運動的他，屆時便可以展示苦練得來的腹肌。此外，提到男星出軌偷食，Chilam入行以來可有遇過誘惑？他醒目地說：「我好好彩，我嘅工作通常有一大班夥伴一齊，所以我比較少寂寞嘅時候。」太太袁詠儀大可放心了！
from:http://orientaldaily.on.c ... /00282_110.html

張智霖憑靚仔童顏樣迷倒不少粉絲，昨日他在微博上載赤裸上身的自拍照，並寫道︰「曬太陽算唔算演唱會準備工夫之一……祝大家端午節快樂！」令大批網友「尖叫」，紛紛留言讚性感，令人流鼻血。

張智霖
From:http://orientaldaily.on.c ... /00282_010.html

有娛樂圈「美魔男」之稱的張智霖（Chilam），日前到《東網》的《娛樂onShow》接受主持人Angela的訪問，為演唱會努力操fit身形的他自覺形象太斯文不適合練肌，更坦言「咁辛苦唔知為乜」。至於今次演唱會將翻唱郭富城等多位好友作品的Chilam，亦自爆打邊爐時曾讓城城聽自己的作品，並得到對方盛讚。

張智霖7月開騷，屆時會演唱好友的金曲。

圈中型男Chilam籌備多時的演唱會將於下月開騷，日前應邀到《東網》的《娛樂onShow》接受主持人Angela訪問，大談為演唱會操肌的心情。雖然七月才開演唱會，但Chilam早已練成腹肌，更大嘆自己太早達標：「達標其實係一件好麻煩嘅事，因為當你未用時已經達標，你要一路維持喺嗰個水平，係仲慘過你要谷嘅時候。」

嘆唔知為乜
時下潮流偏愛肌肉型男生，雖然Chilam自言早已達標，但表面看來身形跟之前沒有太大分別，被問到會否為自己不夠「大隻」而擔心？Chilam直言：「好需要拿捏大隻同埋細隻嘅中間位，我覺得我唔似太大隻嘅樣，如果你好斯文，但突然有十二舊腹肌，感覺好怪。」他又大呻操肌辛苦：「我都唔知為乜，又唔係真係好想騷肌肉，但係又要騷，不過為咗自己狀態好啲都要操fit啲。」

張智霖與《娛樂onShow》主持大談為演唱會操肌的心情。

張智霖認為操肌唔難，最麻煩是保持fit的狀態。

打邊爐取經
是次演唱會將翻唱好友的作品，例如草蜢的《永遠愛着你》及郭富城的《當我知道你們相愛》，問到會否與城城一邊打邊爐，一邊問對方意見時，Chilam笑言：「的確喺打邊爐時畀佢聽，佢話好好，好有你自己嘅風格，變咗一首你自己嘅歌，係一個好好嘅讚美，我自己都諗咗好耐點唱。」想知道草蜢對Chilam的唱法又有何意見，就要密切留意《娛樂onShow》！
from:http://orientaldaily.on.c ... /00282_080.html