韓國人氣節目《Running Man》（RM）熱爆全城，帶挈一眾成員主持來港掘金，繼陣中唯一女將宋智孝及「長頸鹿」李光洙去年抵港吸金後，曾多次來港工作的成員之一、身為宋智孝「週一男友」的Gary，將在下月8日（星期日）來港並和女星陳靜組成「週日情侶」，為在將軍澳新都城舉行的世界盃活動擔任開幕禮嘉賓，屆時並舉行粉絲見面會，讓粉絲和Gary近距離接觸，部分被抽中的幸運粉絲，可和Gary一起玩遊戲，勝出者更能和偶像合照。
陳靜笑言學定韓文方便向Gary集郵。
怕辣慶智孝粉絲
首度以單拖姿態來港工作的Gary，據知今次出席活動的酬勞認真和味，五十萬港元輕易落袋，而且未有如其他韓星來港般要求多多，盡顯親民！Gary之前來港工作時，因行程緊密未能在港濕平或遊覽，據知他已向主辦單位表示將會提前一日抵港，落機後稍作休息即在港一日遊。
成為首位香港女星與Gary同台出席活動的陳靜，對於有幸與Gary成為「週日情侶」，當然表現興奮。陳靜接受電話訪問說︰「我一直有睇RM，每位主持都好搞笑，我都好鍾意佢哋，而且Gary同宋智孝呢對『週一情侶』好受歡迎，今次係我第一次同韓星合作，仲要係咁受歡迎嘅RM主持Gary，真係好期待好開心。」陳靜笑言當日Gary會成為其「集郵」對象：「希望可以同佢合照啦！Gary同宋智孝嘅Fans唔好嬲我呀！哈哈！我一早已經學咗幾句韓文作為自我介紹，今次終於可以大派用場喇！」
from:
http://orientaldaily.on.c ... /00282_052.html
