諸葛紫岐發燒嗲老公

黎諾懿前日陪未婚妻掃百萬首飾，這邊廂諸葛紫岐（Marie）則陪老公、Neway二少薛嘉麟shopping。去年誕下兒子Arthur的Marie前晚在微博呻發燒病足一日：「原來發了一多天的燒，現在才知道。好久沒回香港，剛回來就……」原來她要陪老公睇戲shopping，二人前晚7時多現身圓方商場，戴上黑照化淡妝的Marie與西裝打扮的薛嘉麟剛睇完戲散場，即各自走到附近廁所方便。

Marie會合老公後，即「公主」上身，揮手示意老公跟隨她到超市入貨，薛嘉麟亦自動波拎購物車尾隨，二人專攻茶葉部，Marie除下黑超研究，薛嘉麟亦在另一邊入貨，最後他到收銀處排隊負責找數。

嘟嘴扮可愛

Marie繼續隨處逛，最後她回到老公身邊，都不忘「嘟嘴」扮可愛，老公一邊拎購物袋，另一邊拖實Marie取車回家。
from:http://hk.apple.nextmedia ... 140525/18731579

久未露面的「薛王妃」諸葛紫岐，全副心機投放在兒子「岐麟B」身上，諸葛發覺只有半歲的「岐麟B」，音樂感極強，但卻不愛聽兒歌，只愛聽搖滾樂和hip hop，天生好動，還專揀女人抱抱。

鮮有露面的諸葛紫岐興奮講ＢＢ經，還說生唔生，一於ＢＢ話事。

現主力湊仔的諸葛昨日出席IPSA護膚品牌活動，同場還有名模Ana R.與師妹伍靜麗。諸葛一提起半歲兒子「岐麟B」就甜在心頭，她說：「囝囝半歲已經二十磅，係個重量級BB，之前我因為抱得佢多搞到腰痛，依家抱唔到，但阿仔好鍾意人多，啲人抱佢又唔怕陌生，特別鍾意女仔抱。」

「生唔生阿仔話事」

諸葛一輪嘴的說：「阿仔又好鍾意聽音樂，不過唔係兒歌，鍾意啲rock、hip hop，一聽到就不停手舞足蹈。（幾時追多個？）問阿仔意見先，佢唔畀，我唔會生，我好民主，對阿仔同老公都一樣。（驚唔驚冇時間理老公，佢去偷食？）唔會啩，呢樣要自覺，冇得成日睇住，如果佢咁做，我都可以做同樣嘅嘢。（以牙還牙？）如果淨係靠講係唔會明，同埋唔會感受到，要做先知個感受。（有乜御夫術？）唔理佢，畀多啲自由佢，愈唔理佢反而會令佢更加緊張。」

諸葛紫岐與老公薛嘉麟一家三口，洋溢幸福，她還指「岐麟B」愛聽搖滾樂。

Ana R.騷美腿，十分涼快。

楊洛婷為協助男友拍ＭＶ甘於做阿四。

楊洛婷check男友定力
同場擔任司儀的楊洛婷，透露男友Dear Jane主音Tim最近為新歌拍MV兼做導演，她則在旁做「阿四」，她說：「我幫佢揀個靚模特兒，又搵靚衫，啲衫又要性感得嚟有少少透視。（你引佢犯罪？）咁當check吓佢定力囉。」楊洛婷被笑是全程監場，她說：「係幫手，唔係監場。（有冇酬勞？）佢第一次執導應該冇乜budget。」
from:http://orientaldaily.on.c ... /00282_070.html

諸葛紫岐趁住女友人去咗洗手間，亦爭取時間講電話！

【金鐘】諸葛紫岐（Marie）自從嫁咗畀Neway太子爺薛嘉麟兼生仔之後，過住啲養尊處優嘅生活。前日佢放低囝囝，約咗一個女友人喺金鐘太古廣場既COVA嘆下午茶，過咗冇耐個女友人去咗洗手間，Marie好識善用時間，見得番自己一個，即刻煲電話粥。雖然唔知佢同邊個傾偈，但係都見傾到眉飛色舞，直到女友人返嚟，佢先肯收線，不過坐多一陣佢哋都埋單走人！
from:http://hk.apple.nextmedia ... 140711/18795660