陳慧琳Kelly食老公檸檬

1^# 大中小 young 發表於 2014-5-23 09:29 發短消息

陳慧琳（Kelly）、黃美棋及名模琦琦等昨日在中環ifc，出席Dior香氛活動。Kelly笑言老公送她的香水味道是檸檬味，可能若有所指，她笑說：「可能佢想暗示我洗碗啦，如果出自己品牌希望可以有囝囝嘅味，蝦餃、小龍包同檸檬三種，可以成日聞到。」問到有內地網站指她商演價達到90萬人民幣一場，跟周杰倫看齊，Kelly直認並表示內地fans較熱情，試過圍住她坐的七人車不斷拍打，最後要公安解圍。

美棋BB否認拍拖，但對緋聞男友舉動瞭如指掌。

此外，美棋BB自爆知道緋聞男友鍾健威動向，她說：「我知佢幾時喺香港，因為佢返嚟要同我拍嘢，佢𠵱家喺外地都有傳靚相我睇。」
from:http://hk.apple.nextmedia ... 140523/18729222

廷伸閱讀/相關主題推介:

相關主題:陳慧琳 kelly 檸檬

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-5-23 09:35 發短消息

Kelly潮媽商演90萬人仔起錶

內地女星范冰冰及李冰冰相繼進軍荷里活，「雙冰」在近日流傳的兩岸三地藝人商演價目表中包攬頭兩位，其中范冰冰以135萬元人民幣（約168萬元）的商演價排第一，而香港歌手譚詠麟及收90萬人仔的陳慧琳亦榜上有名。

陳慧琳默認商演價是90萬元人民幣，不過她說最可貴還是陪伴兒子。

近日內地公關界流傳2014年兩岸三地藝人的商演價目表，剛成功蟬聯福布斯中國名人榜榜首兼進軍荷里活跟曉積文（Hugh Jackman）拍《變種特攻：未來同盟戰》（X-Men：Days of Future Past）的內地女星范冰冰，以135萬元人民幣（約168萬元）的商演價高絕兩岸三地！至於有份拍荷里活大片《變形金剛：殲滅世紀》（Transformers：Age of Extinction）的李冰冰則以125萬元（約155萬港元）緊隨其後，跟台灣天王周杰倫一起並列第二。

藝人身價一覽
子怡周迅加友情
鑑於「雙冰」各自演出的大片陸續上畫，兩人四出巡迴宣傳下，相信身價會進一步提升！至於國際影星章子怡及周迅，據悉兩人商演價分別是120萬元人民幣（約150萬港元）及115萬元人民幣（約143萬港元），但她倆已絕少出席商演活動，相信酬金只是其次，要友情搭夠。而其他上榜的「百萬級」藝人，還有李宇春、張栢芝、譚詠麟及林志玲等（詳見附表），商演價亦一一列出。

價錢吸引唔享受
當中陳慧琳（Kelly）被指在內地的商演價是90萬元人民幣，昨晚她出席活動時默認說：「類似啦，要睇吓唱幾多首歌。（90萬係最低消費？）差唔多啦！」雖然價錢吸引，愛子心切的Kelly似不太享受，因為要跟寶貝仔分開。她又指內地粉絲十分熱情，試過有一次壓軸表演完畢，fans興奮得將其座駕抬起，令她嚇餐死，她說：「試過畀人掂到添啦，但我唔會諗畀人抽水，佢哋鍾意我先咁熱情啫！」
from:http://orientaldaily.on.c ... /00282_022.html

TOP

3^# 大中小 young 發表於 2014-5-26 10:19 發短消息

陳慧珊老公狼狽撳錢

陳慧珊有份演出的劇集《女人俱樂部》熱播中，日前其丈夫鍾家鴻單拖現身中環，他在附近商場閒逛一會，但沒有斬獲，隨後往附近的櫃員機撳錢，其間手拿公事包的他，因要從銀包中取出提款卡，遂用大髀夾住公事包，極為狼狽。

鍾家鴻撳錢時用大髀夾住公事包。

鍾家鴻撳錢時，他用第一張卡卻未能成功提款，要轉用第二張卡，擾攘數分鐘才成功提款，有錢在手的他隨即往影碟店揀選心水影碟。

陳慧珊（右）
From:http://orientaldaily.on.c ... /00282_029.html

TOP

4^# 大中小 young 發表於 2014-6-16 09:02 發短消息

Kelly死頂捐第一滴血

歌手陳慧琳（Kelly）日前出席「世界捐血者日」活動，她憶述學生時期第一次捐血的情況：「老師鼓勵我哋去捐血，於是約埋大班同學一齊去，當時好驚，但有咁多同學一齊，唔衰得，惟有頂硬上，事後發現冇想像中咁恐怖。」Kelly生第一胎時只有喜悅，完全不知道存在風險，直到有朋友生BB時失血過多要輸血，才知風險之大，故她呼籲市民踴躍捐血！

陳慧琳（Kelly）
From:http://orientaldaily.on.c ... /00282_022.html

TOP

5^# 大中小 young 發表於 2014-6-29 19:49 發短消息

Kelly爆蝦餃仔忙過自己

陳慧琳透露忙於為兩個囝囝安排暑期活動。

陳慧琳（Kelly）、阮馬素、林峯及趙雅芝昨晚在尖沙嘴洲際酒店，出席腕錶代言活動，問到Kelly日前有報道指其兒子蝦餃仔於畢業禮表演，她笑言：「今次表演得好好，同啲同學仔唱歌跳舞，佢喺屋企口噏噏，我都有同佢一齊練習吓。」提到蝦餃仔是班中生得最高，記者笑言他將來可以做模特兒，她表示：「佢都幾高，係班入邊高嗰幾個，如果佢做模特兒就死，要佢企定定擺甫士有難度。」Kelly透露忙於為兩個兒子安排暑期活動：「佢schedule忙過我，又要跳舞、學功夫同游水，不過今年都唔會出去旅行，唔想佢哋心散，細仔又上K1。細佬着晒阿哥舊衫，淨係有新鞋，好彩𠵱家興vintage look。」

此外，林峯澄清弟弟沒有與女友吳千語不和，表示三人關係好好，大時大節有聯絡。
from:http://hk.apple.nextmedia ... 140628/18779233

TOP

6^# 大中小 young 發表於 2014-6-29 20:12 發短消息

Kelly做慳妹，依家興古着！

歌手陳慧琳（Kelly）透露細仔「小龍包」經已入讀學前班，並可承接哥哥蝦餃仔的舊校服，既環保又可當時興vintage look，一舉兩得！

陳慧琳笑言湊仔比她自己的工作還要辛苦。

Kelly、林峯、藝人趙雅芝和德國運動員阮馬素昨日齊以瑞士依波路表品牌代言人身份出席在尖沙咀舉行的晚宴，Kelly與林峯見面時雞啄唔斷，趙雅芝則甚為關照阮馬素。Kelly透露大仔「蝦餃仔」劉昇早前為幼稚園擔任畢業表演，與同學仔一同唱串燒校歌，她說：「佢好叻，進步好多，唱起嚟加埋動作，喺屋企都口噏噏唱。（佢好高大？）喺班入面都算高。（培訓佢將來做model?）企定定唔得，佢唔鍾意擺pose。」

為免蝦餃仔心散，故今年暑假一家四口將不會去旅行，但會安排他學樂器、跳舞、游泳等，燃燒精力。提到細仔「小龍包」亦入讀學前班，她說可以穿哥哥的舊校服，不用花錢買新校服，她笑說：「依家興vintage look（古着）嘛！（佢哋返學，你就有多啲時間？）24小時都唔夠用，忙睇佢哋功課，好辛苦，攰過做嘢。」

（左起）阮馬素、林峯、趙雅芝和陳慧琳齊以盛裝打扮出席晚宴。

林峯做熱身抵腰患
早前傷及腰患的林峯昨透露初時要食藥止痛，現時腰傷不算嚴重，不會影響8月的佛山演唱會，但坐長途車仍要佩戴腰封。提到男人最重要條腰？他笑笑口說：「男女都重要，都會影響工作，做多啲熱身就得。」提到胞弟早前傳出與女友吳千語不和，他直言得啖笑，更透露女友與自己家人每逢大時大節也會通電話。

另外，同場的趙雅芝稱兒子黃愷傑對表演、幕前幕後也感興趣，但不會給他太多意見，由他做決定。問到母子會否合作？她說：「唔會喇，好怪，真實同表演要分開，要抽離真嘅一面，我同老公都唔會啦，由佢自由發展。」
from:http://orientaldaily.on.c ... /00282_045.html

TOP

7^# 大中小 young 發表於 2014-7-11 12:19 發短消息

Kelly陪兩子整燈籠

潮媽陳慧琳（Kelly）連續8年都幫美心月餅擔任代言人，早前佢就幫產品拍攝廣告，由於早已同導演合作無間，所以廣告拍得非常順利。

完成廣告之後，Kelly仲話要將今年新出嘅「流心奶黃月餅」帶返屋企，畀噚日生日嘅大仔劉昇（蝦餃仔）食。講到今年中秋會點慶祝，Kelly就話會喺屋企同家人過，到時仲會同兩個仔仔一齊整燈籠：「到時會整兩個燈籠，一個蝦餃形，一個小籠包形。」
from:http://hk.apple.nextmedia ... 140711/18795637

TOP