為了養育女兒Krystal，令愛女可以生活富足，楊思琦可以不顧一切，離開無綫娘家向外闖。自由身的楊思琦，不想放過任何一個賺錢的機會，只要價錢好，她可以接受任何挑戰。昨日有報道指思琦離巢消息傳出後，有不少電視台向她招手，有線第一時間邀請她主持有線王牌靈異節目《怪談》，思琦昨日接受電話訪問說：「好多嘢傾緊，所有嘢都未定，有線、now都有搵我，我有興趣做節目，做乜要再傾。」
當年楊思琦跟李泳豪（左）一起，得到施明（中）的愛錫。
梁思浩主持的《怪談》，施明也曾經主持過該節目。
思琦獨力撫養女兒，又要照顧媽咪，所以要拚命搵錢養家。
返內地搵人仔
有線為了夠噱頭，打算安排思琦做前男友李泳豪媽媽施明曾經做過的節目《怪談》，擔任新主持，思琦說：「我唔太熟識個節目，不過個個都可以做主持，我好多謝咁多媒體搵我做嘢，做邊個節目未定，最緊要係價錢好。」
思琦表示現在工作十分忙碌，因為無經理人的關係，接工作和傾價錢都是自己負責，她昨晚出席慧妍雅集籌款晚宴透露女兒Krystal交由母親照顧，她說：「嚟緊我都接咗幾個大陸商演，去海南島、廣西，我𠵱家乜都做，最想開拓大陸市場，拍劇呀、上綜藝節目都可以，之前內地有電視台搵我上節目，好可惜撞咗期。」
from:
http://hk.apple.nextmedia ... 140518/18723618
