溫碧霞（Irene）早排先至同老公何祖光、囝囝國倫（Xavier）飛去峇里島享受陽光與海灘，同屋企人過完復活節假之後，Irene就同工作人員飛咗去希臘，幫佢本慈善寫真集影靚相，因為做慈善，Irene為呢本寫真出錢又出力，但點知一個唔小心，仲出埋「點」？!真係陰功豬！
【挨樹露腰】
高抄影相出事
其實喺月頭開始，Irene已經接住喺微博晒希臘之旅嘅相，跌膊碧霞今次着low cut唔着吊帶，學司徒法正話齋：「出事喇！」之前晒過着吊帶工人褲、吊帶裙相，都係踎喺街邊高炒影落去，但就冇出事，佢喺微博寫住：「最後一組希臘寫真照片和大家分享，要看完整版的希臘寫真要留待7月份和大家分享了。」點知臨尾香，Irene前晚放咗張相上微博，着住黃色低胸low cut裙，又係高炒咁影法，但左邊胸部位置因為跣低咗搞到露點，好彩嘅係有束長髮遮遮冇咁覺。不過Irene本身性格一啲都唔守舊，之前幾次出event凸晒點，當時佢話：「最緊要靚，外國model都咁着，戴咗bra就唔好睇。」
from:
http://hk.apple.nextmedia ... 140515/18720454
