金剛女友蕊蕊今年「胸」降書展，推出個人寫真集，其性感內衣及泳衣照率先曝光，大騷34C「Big」爆身材。蕊蕊透露大膽性感造型陸續有來，又指男友大方唔呷醋，有好嘢唔怕同大家開心share（分享）。
蕊蕊於寫真集毫不吝惜晒事業線。
歌手蕊蕊早於2009年以「柑桔天使」身份，與劉俐及王宝宝等合拍寫真集，事隔多年，蕊蕊今年於書展推出個人寫真，以超性感及型格路線作賣點。
蕊蕊寫真集中的內衣及泳衣照率先曝光，大騷其34C的驕人身材。除有她出水芙蓉照外，又有黑絲及喱士內衣相，非常性感。雖然蕊蕊的性感造型噴血指數已經爆燈，不過她笑言只是小兒科。她說：「依家至少影咗18個造型，遲啲仲會有大膽嘅造型，不過我要賣吓關子，唔講得住。」
金剛：其實我只想你性感畀我睇，不過為咗你事業冇計啦！（設計對白）
穿喱士內衣加黑絲的蕊蕊非常誘惑。
落水拍攝患感冒
蕊蕊自爆當日拍攝泳衣照時，天氣突然轉冷，拍足八小時的她不幸患上感冒。她說：「拍嗰日天氣轉冷，但因為book好晒嘢，所以唔想改期，惟有頂硬上，結果影完就感冒。不過影出嚟咁靚，幾辛苦都值得啦！」
面對鏡頭，蕊蕊即專業地擺甫士。
拍攝當日天氣寒冷，在水中的蕊蕊凍到打冷震。
問到男友金剛有否「監場」？她笑言：「佢好信得我過，所以都無嚟睇我，只係打電話支持我。」蕊蕊又指金剛會擔任寫真集的「宣傳大使」：「到時佢話會幫手宣傳，叫晒啲朋友買我本書。（性感造型唔怕男友呷醋？）佢不知幾大方，話有好嘢要同大家開心share。」
from:
http://orientaldaily.on.cc/cnt/e ...0514/00282_027.html
