為迎接世界盃，無綫開收費台搞「低俗講波團」，昨日數十名「佳麗」參加「19台低俗講波團World Cup女神面試」，接受主持人黃毓民、盧覓雪等人嚴選。結果有「性女」之稱的Vienna以秘技高潮聲配高潮眼成功令人側目，而自稱精神科醫生的(6)MoMo挾34C身材兼靚樣同樣搶鏡！
「泰妹」MoMo以靚樣成為全場焦點之一。
無綫斥資4億元奪得今屆全部64場世界盃賽事播映權，為加強氣勢，邀得立法會議員兼著名節目主持人黃毓民擔任「講波佬」，聯同盧覓雪、衞志豪、陸浩明等人組成「低俗講波團」，在收費電視開「19台」主持講波節目，並請來32位「19世波女」到場「助興」。數十位「佳麗」昨日出席無綫網絡電視「19台低俗講波團World Cup女神面試」，眾女燕瘦環肥，亦接受主持黃毓民、盧覓雪、衞志豪、陸浩民（6號）的篩選，黃毓民表示會在世界盃「低俗講波團」節目中會盡用低俗字眼，他說：「入唔到波咪講Ｘ街囉，到時爆咗出嚟都冇辦法o架喇，節目度我仲會鬧人。（議員身份有衝突？）我不嬲都係咁，呢個係我真性情、我形象。今次有錢收、又開心講嘢、又咁多女，咁盡情，直情係筍工啦！世界盃冇女點掂呀？」盧覓雪則稱會以一般男性球迷的準則去挑選World Cup女神，她說：「知要咩架喇，今次啲女仔有樣有身材，我會留意埋佢哋性格同足球知識。到時節目用俗語冇問題啦，係球迷『通用術語』啫。」
6號被錯叫陸永
昨日面試佳麗當中質素參差，當中自稱精神科醫生的(6)「泰妹」MoMo，挾着34C、24、34身材進場，靠靚樣搶鏡，以英語自我介紹後配以卡通聲表演了數句《囍帖街》，但效果一般；自稱是「航空界代表」的24歲的(1)小車，先被盧覓雪質疑她的高度，再質問她的職業，最後她竟自爆只是清潔女工，未幾突然啪一聲踎低施展一字馬，令人側目。有成人台「性女」之稱的(2)Vienna，則一反常態密實到場，更解釋為「從良」：「因為有太多麻煩嘢喇。」期間她竟錯將「6號（陸浩明）」叫錯為「陸永」，「6號」即怒說：「你冇睇《食平DD》o架咩？」當司儀問她入球時會做甚麼動作配合，她竟重施故技以高潮樣兼高潮眼和高潮聲搶鏡，非常出位！
Vienna雖以密實打扮到場，但面試期間的高潮眼配高潮聲，令她成功出位。
Vienna
佳麗唔怕講粗口
另外，佳麗中亦有些比較高質素的參賽者，當中大晒疤痕的34C上圍(46)Mars，直言不介意節目中以三點式亮相和講粗口，她說：「係人都識講，我冇所謂。」而(8)Kelly則露黑色底褲邊搶鏡，又透露節目底線是可以穿泳衣出鏡。
眾女施展渾身解數，爭做世波女。
黃毓民收錢講波，又有美女相陪，難怪他也叫好。
眾佳麗在評判前作天才表演。
小車表演騎呢一字馬，令人側目。
昨日有數十位「佳麗」到無綫為「低俗講波團」作面試。
from:
http://orientaldaily.on.cc/cnt/e ...0514/00282_001.html
