現今新一代嘅爸爸，都好享受親自照顧仔女過程，幫仔女沖涼更係一個最溫馨嘅親子活動，早前內地節目《爸爸回來了》中，就播出吳尊親自為三歲囡囡NeiNei沖涼嘅片段，不少觀眾都覺得咁樣唔係太好，不過從鏡頭中都見到吳尊係好享受幫囡囡沖涼，亦唔覺得有咩問題。
近年社會都開始討論究竟幾多歲要開始為仔女灌輸性教育，有專家認為喺小朋友仲細嘅時候，父母跟子女共浴，係一種灌輸性教育嘅好方法，能消除小朋友將來對性別嘅神秘感，正如陳奕迅都曾經透露過跟囡囡康堤共浴。
而剛剛做咗爸爸十幾日嘅大S徐熙媛老公汪小菲，睇完一篇名為「父親能否與幼女共浴？」文章後，就喺微博留言：「想想還真有點不好意思，不過再想想未來她和別人洗，徹底崩潰」，可想而知汪小菲經已開始憂心愛囡成長，同時間亦開始調節心情為囡囡灌輸性教育喇，不過就俾網民笑佢諗得太多喇！
from:
http://hk.apple.nextmedia ... 140506/18710631
