杜德偉頂上開紅館騷

8^# 大中小 young 發表於 2014-6-10 11:30 發短消息

杜德偉剝衫放雀

杜德偉預告8月演唱會，要大脫特脫。

杜德偉（Alex）昨日在柴灣宣傳8月舉行的演唱會，正為個唱努力操肌的他笑說：「我唔係想心口有兩大嚿或者6嚿腹肌，但肌肉一定會騷，因為我一定會唱《脫掉》，脫到唔俾人拉為止。推出呢首歌之後，每次演唱會都會唱，當年做滾石30周年演唱會，都着底褲唱，何況今次係自己個騷，要去到盡！」有人提議「放雀」，Alex笑說：「都係一個幾好考慮，幾特別。」

Alex好友呂方的新女友「靚版嘟嘟」最近曝光，不過他大爆呂方有很多女友：「我唔知，冇介紹我識喎！佢咁多女友，過往係睇相，冇見真人。如果介紹得畀老友見，希望係結婚對象。」
from:http://hk.apple.nextmedia ... 140610/18751658

TOP

9^# 大中小 young 發表於 2014-6-13 13:23 發短消息

8月開騷收紅底杜德偉對住君如尷尬

舊愛杜德偉開騷，吳君如不避嫌撐場支持，更大爆Alex每次見到她都表現尷尬。

杜德偉（Alex）昨日在W酒店為8月16日的「極杜世界巡迴演唱會」舉行記者會，並宣佈加開17號一場，大會送了一條紅底褲給Alex。除了太太Ice到場支持外，連舊愛吳君如亦現身撐場，她更送上一隻叫「極杜duck」的金鴨並笑說：「呢隻金鴨寓意佢極度靚仔極度fit，金光閃閃。」君如在台上大爆杜德偉每次見到她都有點尷尬，她笑說：「係咪仲有心跳感覺呢？我今日係嚟支持你，不過唔好搵我做嘉賓，我一把年紀，同埋我一唱歌嚇親人，我聽到你之前話要喺台上倒吊我，我驚你搵我報仇呀，總之你加幾多場，我都會一家嚟睇！」

年過半百的Alex（中）保養甚佳，相信當晚會將最好一面送給觀眾。

Alex獲大會送贈紅底褲，希望《脫掉》時用條紅底褲。

「我比較慢熱」

事後君如被問大爆Alex尷尬一事，她笑言:「由我第一日識佢，佢個樣已咁尷尬，唔知係咪我個樣好有威嚴呢？」Alex亦稱：「我個人比較慢熱，而且啱啱喺台上見到佢，唔知佢會講乜嘢。」後來，談到好友蘇永康於12月2日結婚，Alex說：「佢未打畀我，而且佢近來出碟忙宣傳，唔喺香港，佢都知我忙緊搞個唱。」至於表演嘉賓方面，Alex表示希望邀請葉蒨文，不過因對方身在加國，可能會有點難度，不過有人提議不如邀請蘇慧倫，Alex口快快地說：「暫時未諗到呢位，不過佢結咗婚喇，唔知係咪有朋友……」未知是否怕講多錯多，他即轉口風說：「唔知佢係咪有小朋友，不過唔知呢、總之希望兩場有唔同嘉賓，希望大家有驚喜。」

識睇　一定睇蘋果嘅足動世盃：
http://worldcup2014.appledaily.com/
From:http://hk.apple.nextmedia ... 140613/18756407

TOP

10^# 大中小 young 發表於 2014-6-13 17:24 發短消息

杜德偉獲君如撐「極度Duck」

歌手杜德偉（Alex）相隔21年再踏紅館，於8月16日舉行「杜德偉極杜世界巡迴演唱會香港站」，Alex昨日於演唱會記招上宣布加開17號一場兼大晒舞技，除有愛妻Ice Lee撐場外，更獲贊助商送上三角紅底褲祝賀，Alex笑言：「條紅底好薄喎，個Size啱唔啱？我近排大咗喎。」

杜德偉相隔21年再踏紅館，high爆宣布加場。

金鴨還人情
有紅底贈興之餘，舊愛吳君如更驚喜現身，大讚Alex極度有型又跳得，不過，卻取笑Alex每次見到她總面露尷尬樣，未知是否仍有心跳感覺。君如還送上金鴨，答謝他早前客串其電影，兼再要求他拍一部《金鴨》，引得哄堂大笑。

君如又搞鬼謂：「今次我哋係宣布你老婆……有……唔係呢啲，係宣布你加場。」之後指Alex依然有型靚仔，堪稱「極度德（Duck）」相當搞笑。問到君如當年是否被Alex的尷尬樣迷倒？君如笑謂：「唔講呢啲，往事只能回味，從來唔話當年，因為已經廿五年前嘅事。」

君如送上金鴨為Alex打氣兼大搞氣氛。

Alex獲贊助商送上三角紅底褲祝賀。

嘉賓仍未定
至於問到Alex可會請當年合唱拍檔葉蒨文（Sally）及蘇慧倫做嘉賓？Alex指Sally演唱會那段時間，應在加拿大，還在聯絡當中。而蘇慧倫則結了婚，未知是否有小朋友，所以未有想到作邀請。此外，問到可知老友蘇永康年底結婚？Alex稱：「呢幾日都有通電話，但未聽佢講，咁老友結婚到時一定送大禮嘅。」
from:http://orientaldaily.on.c ... /00282_060.html

TOP

11^# 大中小 young 發表於 2014-6-16 08:10 發短消息

杜德偉操弗，應付仔女駁嘴

52 歲杜德偉與太太結婚一年多，雖然享受二人世界，亦希望有仔趁早生。而身邊已為人父的好友張學友及鍾鎮濤均是緊張大師，他揚言自己亦會是怪獸家長，現要保持健康體魄，應付將來子女的反叛期。

杜德偉與太太恩愛出席，搞笑的他更趷高腳，免得給高妹王馨平比下去。

歌手杜德偉（Alex）與王馨平（Linda）前晚為名媛趙式和有份籌辦的「成長希望基金會慈善晚宴」擔任表演嘉賓，兩人合照時，矮一截的杜德偉即時趷高腳，還叫記者別拍腳，場面搞笑。Alex與太太齊到場，他透露自己年輕時曾經歷過掙扎、困惑期，故一直有關注社會青少年的發展，望帶給他們正能量。

（左起）趙式和籌辦慈善活動，名媛何穎雯及馬美域特來支持。

開騷後才度蜜月
問到將來若有兒女，會否是怪獸家長？他坦言：「我怕我會，諗起都緊張，依家見到小朋友都會想像吓做父母，張學友都對兩個女超緊張。我覺得我生仔好啲，生女會比較緊張。不過我鍾意女多過仔，女係前世嘅情人。我要保持自己嘅健康，因為到佢哋踏入反叛期，我都已經有一定年紀，要有好嘅體魄對付反叛期、頂嘴，啲老友好似鍾鎮濤、張學友咁，佢哋成日講仔女經，我聽唔少，好多嘢要學習。」Alex表示因忙於演唱會，現不敢投入造人：「我同老婆就呢個問題好嚴肅咁開過會，如果係生就快啲。不過我哋好享受二人世界，唔想生多個出嚟，將焦點分散咗，演唱會之後先計劃蜜月造人。」

與黎瑞恩通微信
而Linda為今次表演花盡心思，她說：「我落重本o架，又搵人造衫，又搵朋友編曲做音樂，今次會表演英文搖滾歌。」提到好友黎瑞恩承認離婚一事，她表示知情，但因最近忙新碟而未能見面，但有與對方微信，表示小恩子心情不俗。問到小恩子是否與小朋友到外國讀書？Linda說：「唔會依家，兩、三年後嘅事，佢最着緊都係小朋友。」
from:http://orientaldaily.on.c ... /00282_080.html

TOP

12^# 大中小 young 發表於 2014-6-20 12:38 發短消息

杜德偉擲百萬古董車造勢

今年積極再戰本地樂壇的杜德偉（Alex），早前除宣布八月舉行兩場紅館演唱會外，事隔十八年再度推出新廣東歌《震》並拍攝MV，為隆重其事Alex更斥資七位數字在美國訂購一架古董車來港作拍攝道具，認真大手筆。

再戰本地樂壇的杜德偉，斥資七位數在美國訂古董車來港作拍攝道具。

快將舉行演唱會的杜德偉，昨日下午現身上環街頭為新歌《震》拍攝MV，並出動到私伙古董車作拍攝道具，Alex表示：「因為係我十八年來第一首新歌，所以專程響美國訂架車返嚟，佢係我Dream Car，係1941年出廠前後用咗七位數字，拍完後用嚟收藏。」

許雅婷任女主角
除了在上環街頭外，Alex稱早上更到中環鬧市拍攝，吸引不少途人圍觀。而今次MV就找來模特兒許雅婷（Kabby）任女主角，不過Alex表示當中兩人沒有親熱鏡頭，他說：「今次首歌主題係演唱會，或者等演唱會反應好先考慮再做多隻有親熱鏡頭嘅歌。」同時，Alex發現在拍攝街頭貼有「XEME 杜德偉」的貼紙，滿心歡喜表示：「我兩年前已經發現，上網搵過都搵唔到咩原因會有人整張咁嘅貼紙，或者邊個知道可以話我聽。」

許雅婷為杜德偉新ＭＶ任女主角。

林芊妤

問到近日有o靚模林芊妤（Coffee）被拍得帶男友人到商場的傷殘人士洗手間內短聚半小時，對此Alex表示：「其他人嘅事我不嬲唔理，但作為公眾人物，唔應該將錯誤訊息畀人，而且公眾地方始終唔好。」

至於MV女主角Kabby則表示曾和Coffee合作電影，對她的行為表示：「唔係嘛，殘廁入面Gathering？我覺得好唔衞生囉，私人事應該留番私人地方做，不論係唔係公眾人物都唔應該。」
from:http://orientaldaily.on.c ... /00282_029.html

TOP

13^# 大中小 young 發表於 2014-7-11 12:34 發短消息

杜德偉要君如倒立唱歌

闊別香港樂壇多年的杜德偉即將在八月舉行紅館演唱會，日前應邀接受《娛樂onShow》訪問，除了與主持人俞詠文大談音樂，更透露舊愛吳君如是嘉賓之一，預告要她在台上倒立演出。

舞功了得的杜德偉將於紅館又跳又唱多首經典快歌。

在港久未露面的「舞魔男」杜德偉（Alex）落實於八月舉行紅館演唱會，日前抽空接受《娛樂onShow》主持人俞詠文（Angela）訪問。事隔廿一年再度在紅館開騷，Alex坦言覺得美夢成真。他謂：「其實我有好長一段日子冇喺香港發展，所以可以再次用廣東話喺紅館開演唱會感覺就好似美夢成真一樣，好感動好開心。」

是次個唱嘉賓當然是大家關注的焦點之一，在Angela的追問下，Alex笑言會力邀舊愛吳君如上台倒立：「其實我心中有不少人選，例如吳君如，因為佢之前搵我做鴨王，所以今次我就要佢喺台上鋼管倒立三首歌嘅時間。」

君如已落實擔任杜德偉個唱嘉賓。

在俞詠文追問下，杜德偉有問必答。

杜德偉在圈中人緣甚廣。

與新一輩歌手冇代溝
早前台灣歌手羅志祥（小豬）公開表示如果Alex開騷，他一定會出席，Alex坦言與小豬平時私交甚篤：「我覺得新一輩歌手有種同以前唔同嘅感覺，但由於大家都好鍾意音樂同表演，所以相處時有一種大家庭嘅溫暖感覺。」如果想知道在圈中一呼百應、平時Man到爆的Alex為何會怕老婆？就要密切留意《娛樂onShow》。
from:http://orientaldaily.on.c ... /00282_080.html

TOP

14^# 大中小 young 發表於 2014-7-27 18:32 發短消息

杜德偉攬面紅孫燕姿

孫燕姿紅館演唱會前晚舉行第二場，請來杜德偉（Alex）擔任嘉賓。燕姿身穿黑閃閃太空裝，以一首《天黑黑》為演唱會揭開序幕。Alex與燕姿手拖手合唱情歌時，一度從後攬實她的腰，令燕姿尷尬臉紅，Alex說：「燕姿是我老婆的偶像，她當年出道，我就知這個女生一定會紅。」尾段燕姿在台上感謝有來捧場的父母和老公納迪姆，再以廣東話說：「入行14年，覺得自己好幸運，有你哋一班朋友一直支持我，希望我哋可以一齊變老。」

燕姿完場後說：「我少女時期的情歌王子就是Alex，以前我會一直重播他的歌，留下了深刻印像，知他最近回歸樂壇開演唱會，馬上說一定要邀請他當香港站的嘉賓。」

撰文：麥萍萍
From:http://hk.apple.nextmedia ... 140727/18813072

TOP