係，又係LuLu，但今次唔係做明燈喇。今次，係晒佢驕人嘅身材放上網...呀，正確啲嚟講，係放上張枱！
LuLu個facebook專頁噚日share咗張相，係佢同隻貓貓喺度玩，不過相嘅重點唔係隻貓貓、唔係隻毛毛老鼠，亦都唔係LuLu個靚樣，係...佢...突...出...嘅...上...圍！
真係唔知LuLu有心定無意，總之就將佢哋(大家知係咩啦！)放咗上枱，網民見到，口水未流，心心眼都出咗啦，網民留言亦幾抵死：「唔知點解第一眼望咗去張枱」、「我承認，我無望過隻貓」，仲有抽水留言：「唔怪得曼聯輸2:0啦，睇到你呢張相仲邊會有心機踢」...LuLu呢，好有心機，佢差唔多個個網民嘅留言都會reply，佢話：「你哋心邪就話我，你哋都幾鍾意將問題推落我到。」
有fans福至心靈share咗一條YouTube片，叫《男人為什麼愛盯著胸部看》，解釋為「這是天性！！」LuLu應該好無奈，話：「...我著樽領你地都咁...」
其實，LuLu身材好，好多人都知，不過對於佢身邊嘅另一半，就未必好多人知喇。
LuLu男友係邊個？究竟有冇拖拍？fans梗係緊張啦，點知嗰個會唔會隨時係自己呀！最近LuLu出席場合時話自己單身，又話要男生鍾意睇波，不過有網民post咗一隻相，有個男仔話係叫阿Sam，問LuLu：「此人是妳男友嗎？」LuLu又回喇，但睇嚟講得多嘢得滯：「邊位？我有拍拖，但唔識佢呀。」網民即插：「又話單身」跟住...跟住...跟住LuLu就冇再回應了......
LuLu有冇拍拖，對好多宅男嚟講，好緊要0架！好似4月愚人節LuLu上載幅同位美男子嘅合照話「我結婚了」，搞到個個fans喊晒口話：「聽完好唔開心，unfollow」，LuLu講愚人節快樂都唔掂！
from:
http://hk.apple.nextmedia ... 140422/18696909
