上週日（23日）金秀賢在上海體育館舉行第三場FM，梳番「都敏俊C」頭嘅金秀賢一出場，fans已經失控嗌足2個鐘。《蘋果日報》圖片
幾乎冇中國人唔識的「都敏俊C」金秀賢，本月中在自己地頭首爾完成頭站亞洲巡迴見面會（Fan Meeting）後，上週四（20日）在首爾拍廣告至凌晨，即飛台灣舉行第2站FM，他的魅力成功引來過千fans接機，迫爆台北桃園機場。
台灣fans癲？國內原來更瘋狂！週日（23日）於上海體育館（上海大舞台）舉行的第3場FM，門票不但被炒高近20倍，門票由1,280「人仔」炒上2萬5「人仔」一張；更離譜的是有買不到門票的fans，甘願向會場保安獻身，來換取入場見金秀賢的機會，道德淪亡呀！
一套《來自星星的你》令飾演「都敏俊C」的金秀賢紅遍半個亞洲，去到邊都萬人空巷。上週五（21日）金秀賢先在台灣舉行第2場FM，翌日轉飛上海，週日（23日）準時晚上7點在上海體育館（上海大舞台）舉行第3場FM。
《蘋果日報》圖片
同首爾、台北一樣有跟fans的互動環節，呢一節要金秀賢同fans做番都教授同千頌伊喺《星星》其中一幕，搣女方塊面。呢位被金秀賢搣面珠嘅女fans，估計返到屋企都唔想洗面。
千二炒上二萬五「2014金秀賢亞洲巡迴演會」門票開售至今，無論邊個城市門票都被黃牛狂炒。台北門票由最平的1,200新台幣（約300港幣），炒到1萬新台幣（約2,500港幣），炒高8倍有多。上海更厲害，最貴門票1,280人民幣被炒高至每張2萬5人民幣，足足炒貴近20倍。3,000張票開售冇耐便沽清，為咗見「都敏俊C」，fans多多錢都肯花。
之不過大嗱嗱2萬5「人仔」真係唔係個個fans畀得起，想見金秀賢就要用另類方法。網上更流傳有遠道來上海，為見金秀賢一面的內地少女，由於買不到門票，FM舉行當日主動向會場保安提出發生關係來換取入場機會，此風不可長。
爆少女獻身為咗見偶像，𠵱家啲fans真係可以去到好盡。微博流傳在上海FM舉行當日，就有位冇票喺手嘅少女，開出驚人要求，以肉體換保安哥哥讓她進場。
23/3上海FM
網上圖片
喺上海體育館搞FM，金秀賢冇用盡會場座位，當晚只有3,000位fans憑票入場，所以門票一早沽清。
金秀賢於台北開FM前一晚，到101大樓的鼎泰豐食小籠包，門口俾近千fans及傳媒塞住，食客完全冇法進入。
台灣《蘋果日報》圖片
台灣《蘋果日報》圖片
網上圖片
前後已經整過3次蛋糕，金秀賢如果想唔做明星，做西餅師傅都應該難佢唔到。
21/3台北FM
網上圖片
之前去南京俾空姐偷影到機艙打機。教授今次醒咗，由台北出發到上海，一個人坐喺位乖乖哋，身邊個橙黃色頸枕似乎係教授私伙。
FM場場一樣
月初去咗南京為《最強大腦》錄影，上週五（21日）終於播出。由於當日錄咗6個鐘，金秀賢有好多小動作都可以喺節目睇到。網上圖片
個個為見男神一面出盡法寶，金秀賢在FM當然施展渾身解數滿足fans。
上週五（21日）和上週日（23日），金秀賢分別在台北國際會議中心，和上海體育館舉行FM。跟首爾的頭場FM一樣，繼續「都敏俊C」上身的他着西裝配波鞋，出場先唱出慢歌〈Dreaming〉，在上海場時更用上海話說：「我愛你們！」冧爆fans。
其後金秀賢照舊抽粉絲上台玩遊戲，搭住fans膊頭，攬住fans條腰已經令全場勁high。唱完〈Nobody〉等3首歌後再一次廚師上身，整蛋糕給當日生日的男fans食。
之前一日，金秀賢在台灣時，便自爆食了小籠包和鳳梨酥，「才過了一天我就胖了，要是我胖得像豬，你們還會愛我嗎？」不過週日在上海亮相，都教授仍然狀態勁fit，FM最後同樣以《星星》插曲〈你家門前〉作結尾，都教授同時眼濕濕地說：「時間過得太快，又要跟大家再見，但一定有下次！」雖然嚟緊的廣州、北京、泰國、日本和印尼FM流程都應該大同小異，但相信都教授fans仍會百看不厭。
全智賢8分鐘袋800萬除咗金秀賢，《星》劇後「千頌伊」全智賢都落力吸金。繼早前在韓國出席代言雪櫃活動後，上週五（21日）早上，全智賢由韓國直飛上海出席護膚品牌活動，原定2點開始的活動結果近3點至開始，全智賢晒住美腿出場，仲用普通話講：「大家好，我是全智賢！」可惜女神只亮相8分鐘便走人。據知全智賢今次的酬勞達800萬人仔，咁咪即係亮相1分鐘袋1百萬？
一早由韓國出發，身為國民女神的全智賢狀態大好，8百萬都值！
千頌伊帶hit咗食炸雞啤酒潮。活動結束後，大會話全智賢安排咗炸雞啤酒畀記者。不過啤酒係「青島」啤，唔係韓國啤。《蘋果日報》圖片
撰文、
