向來有生意頭腦的謝霆鋒，開完後期製作公司，再做埋食肆老闆，近日連蒲場生意都撈埋。據知霆鋒獲國際高級俱樂部睇中，重金邀任市場總監，頭炮是到上海開設專門招呼富二代的高級夜店，且獲摩納哥親王送上皇室賀禮撐場。
除有皇室成員撐，蘭桂坊之父盛智文亦遠道飛來上海，一賀成為安博ABC國際投資集團明星股東的霆鋒。
單身霆鋒事業愈戰愈勇，已移居新加坡的前妻張栢芝，則以硬膠面開咪暗寸前夫，隔空贈興。
摩納哥親王阿爾貝二世（Prince Albert）將皇室派對御用的銀器酒具送給霆鋒打骰的貴族夜店，夠晒派頭。
日前返港的栢芝，成塊面又脹又硬，笑時肌肉一嚿嚿隆起。上週日（23/3）她便以這最膠狀態，捧緋聞男友C All Star成員釗鋒紅館個唱。
硬撼劉嘉玲一手打造的製作公司「Po朝霆」已上晒軌道，謝霆鋒去年開始進軍飲食業，與車婉婉合作，開設「鋒車飲食集團」，入股灣仔一間米芝蓮沙
律店。
有生意頭腦，半年前，霆鋒被國際投資集團的LINX皇室會員全球俱樂部睇中，請他擔任亞太區市場策略總監。頭炮傑作是踩入上海開夜店LINX，實行與只有兩街之隔，劉嘉玲投資的夜店Muse 2打對台。
除了上海站，據知已有全盤計劃的霆鋒，準備在香港、深圳及新加坡等地開分店，擴展版圖。一直喜歡買鋪收租的霆鋒，去年被發現偕房祖名到中環睇鋪，外界誤以為他睇定盤為入市做準備，實情是為LINX選址開業親自落場。據悉霆鋒原本計劃租用IFC頂樓，但最後卻被其他財團捷足先登，要在中環再覓心水地方。
半年前上海夜店開始裝修，鍾意親力親為的霆鋒經常在上海視察進度及頻頻開會，為這個國際知名的皇室俱樂部集團打入亞太區市場。
上週夜店開幕，唔鍾意夜蒲的霆鋒點都要現身，但他上台只講咗三句說話，叫賓客Enjoy tonight後，逗留半小時便離開。
去年頻頻俾人影到喺中環睇鋪的霆鋒，原來是為呢個國際級夜店密鑼緊鼓選址。（《蘋果日報》圖片）
最低消費兩萬五
霆鋒打骰的上海夜店LINX，客路是集團認可的國際尊貴全球VIP會員，故入場最低消費二萬五千人仔，場內除玩超豪氣派，智能化的5D映像太空高科技派對技術是此場賣點。
賣腦搞時裝上海站LINX上週正式開幕，會所走高級路線，專做富豪及貴族生意，入場最低消費要二萬五千元人仔；身為總監的霆鋒亦有現身開幕儀式，他更收到摩納哥親王Prince Albert贈送皇室婚宴御用的酒具作賀禮，其間又與「蘭桂坊之父」盛智文密斟，交流心得。
已變成謝總的霆鋒在行內響晒朵，迅即吸引另一國際時裝品牌，請他賣橋做市場策劃。
「兼職」一份接一份，近期在歐洲為內地電視台炮製飲食節目《十二道鋒味》的霆鋒，早前跟舊愛王菲同時身處法國，還有老友趙薇幫手撥大葵扇，但為怕觸動前妻張栢芝神經，始終未敢踏出復合第
一步。
早前到趙薇位於法國的酒莊拍攝內地飲食節目《十二道鋒味》，其間舊愛王菲亦身處當地睇騷，但有指霆鋒為免刺激前妻，不敢會王菲。
為飲食節目碌晒人情咭的霆鋒，本月底偕老友Eason及房祖名到意大利拍攝。
再帶囝囝逃學霆鋒步步為營，對前夫其實仍未放低的栢芝，最近亦表現活躍。攜兩子移民新加坡做全職媽咪，唔夠一年，栢芝已抵不住平淡生活，近日要兩子再度停學陪返港。
週日（三月二十三日），栢芝以一身熒光打扮，到紅館睇C All Star演唱會。
無見一段時間，栢芝明顯跟風成為膠面族，蒲頭公開活動之外，栢芝更到商台開咪，首晚內容，已經意有所指：「一個男人唔可以維持家庭，保護老婆，就係冇用！」隔空暗寸前夫。
今趟回港，栢芝與化妝師好友Rick Chin拍住上為商台開咪，為搶收聽率，她首集就開腔暗寸前夫。
在新加坡定居的Lucas同Quintus，近日為隨母返港，又要被迫停學。
撰文、
