鄭融昨日在尖沙嘴宣傳韓國音樂劇《WEDDING》，身穿露背禮服裙的她，背部有個頗為明顯的胸圍扣印，不知就裏的她反而說：「我幾鍾意自己呢個斯文造型。」大會安排音樂劇中的韓國男演員跪地向她求婚。
近年韓風吹襲香港，連鄭融都說愛聽韓國歌，尤其是2NE1，可惜日前2NE1在港開騷時，她有工作無法捧場。問她對迷倒萬千少女的BIGBANG印象如何？鄭融反問：「蛋壽司頭（G-Dragon）嗰個係叫乜嘢名？佢好型，同我求婚嗰位韓國男演員幾靚仔，有個都敏俊髮型喎！」不過鄭融Instagram的追蹤名單包括G-Dragon。
鄭融與韓籍男演員即場上演扮求婚。
方力申賣身操肌晒人魚線
藝人方力申、徐靖雯、盛君及黃百鳴等昨出席「Xyber Force世霸潛能體驗館」開幕典禮，小方透露最近為下月拍廣告而健身，他說：「呢排瘦咗十幾磅，下個月拍廣告會露上身，好耐冇露過啦！（show 8舊腹肌？）8舊從來都冇，但promise會有6舊同人魚線。」問到酬勞時，他坦言很好，更笑謂：「雖然男仔露冇女仔咁值錢。」
方力申接拍廣告，預告會晒6舊復肌及人魚線。
Stephy冇讚過
問到女友鄧麗欣（Stephy）有否先睹為快？小方卻笑謂：「成百年冇人見過。」至於Stephy可曾讚過他身材好？他說：「冇人讚過我身材好，我一向身材唔好，我有體能但冇樣睇，以前游水都冇依家咁大隻，因為我唔做gym只係游水，依家我成日照鏡，食咗成個月烚嘢。」提到早前與周潤發（發哥）行山，他表示兩人是第二次見面，並讚對方記性好又親民。
徐靖雯（右起）、黃百鳴與盛君出任開幕禮剪綵嘉賓。
唔怕口不「澤」言
此外，杜汶澤（阿澤）早前因反服貿事件與內地網民開火，更遭北京麥特文化娛樂傳媒公司總裁陳礪志封殺，對此黃百鳴表示冇留意新聞，問到開戲會否避揀阿澤？他說：「唔會，（照搵佢拍戲？）去年甄子丹都有啲咁嘅新聞，冇乜問題。（唔怕內地投資者唔鍾意？）唔驚，有啱都會搵佢拍，通常搵演員都係劇本需要。」至於會否叫阿澤小心說話？他說：「呢個係佢自由，我唔係佢爹哋，我管佢唔到。」
