女神高Ling高海寧恨嫁鳥

嫁人從來都係女仔嘅終極目標！我媽咪姐食鹽多過啲妹妹仔食米，把口話唔想嘅女仔，其實都係呃自己啫。

自稱單身嘅宅男女神高Ling高海寧，一定係要求set得太高先至搵唔到仔啦！之不過畢竟27歲，都心郁郁想結婚囉！早幾日媽咪姐喺ifc撞到佢同女友人行完街，等𨋢攞車，其間掛住做「低頭族」玩電話，重猛話：「嘩！好靚呀！呢件婚紗好靚呀！」原來睇緊婚紗相，仲睇到唔記得入𨋢㖭。

既然女神恨嫁恨到出口，所有自認有條件有擔帶嘅好男人快啲出手啦！


日前高Ling喺微博感嘆一班朋友仔都結婚生仔了！又難怪佢心急嘅。