謝霆鋒（小圖）最近俾一個內地女鞋品牌睇中，邀請佢擔任品牌創意總監，首個任務就係搵代言人，結果佢搵咗近期憑《來自星星的你》而爆紅嘅全智賢做代言人，霆鋒話︰「全智賢有帥氣同甜美特質，我哋睇中呢個特質，所以邀請佢擔任代言，我對佢好有信心。」本身都係鞋痴嘅全智賢話︰「好開心，能穿著各種美麗的鞋，就像是編織著美麗的夢一樣，感覺好幸福！我還很期待在廣告中為我打造的形象！」
吳千語冧男友辮辮有力
藝人吳千語、周柏豪、傅嘉莉及鍾浠文等，前晚出席品牌活動。千語BB以一頭橙啡短劉海新造型亮相，笑言只是假髮，男友林峰未見過。自言沒有勇氣把長髮剪短的她說：「其實仲想試短頭髮，不過都唔會啦，拍戲唔方便！」她甜絲絲大爆林峰喜好：「佢鍾意紮辮呀。（你好少？）我有呀！平時出街會All back。」識得變「髮」冧男友，難怪林峰對她如此痴心！千語BB又稱將會到南非工作，只去市中心故不擔心治安問題，問到男友會否隨行，她說：「佢要拍劇呀。」
吳千語以一頭橙啡短劉海假髮新造型亮相。
柏豪今年會買樓
同場的周柏豪自爆近期投資金粒蝕錢好揼心，又稱今年有買樓大計。問到心水物業，柏豪說：「睇嚇budget啦！梗係愈大愈好！」問到儲夠老婆本未？柏豪就話：「呢個唔係first priority（最重要）！」今年9月將於紅館開騷的他，為張耀榮離世感惋惜：「我未有資格接觸佢，但係非常尊敬佢！」他又透露下月要去馬來西亞，與艾威及羅蘭姐合作拍戲大半個月。談到馬航空難，他自言少搭，又表示對事件感難過。
鍾浠文（左二）與其他藝人分別穿上品牌新裝現身活動。
周柏豪自爆投資蝕錢好揼心。
傅嘉莉昨晚盛裝出席品牌活動。
