[皮膚護理] 4款有助美白的水果！

冬天就嚟完結，趁未有夏天嘅烈日當空，女生應該好好把握呢個「黃金時間」美白！除咗用美白精華、敷多幾個mask之外，其實有好多種水果，都可以幫助美白架！

士多啤梨：維他命C非常豐富，5粒士多啤梨已經含有一日所需嘅維他命C，有助減少黑色素形成同促進膠原蛋白嘅合成，可以美白兼增強肌膚彈性！

奇異果：被稱為營養密度最高嘅水果，含豐富嘅維他命C、E，有抗氧化嘅功效，而且熱量低，多食都唔怕肥。

車厘茄：除咗含豐富嘅維他命C之外，車厘茄當中嘅茄紅素係一種強勁嘅抗氧化劑，可以抵抗自由基及預防紫外線對皮膚嘅傷害。

車厘子：豐富嘅維他命C、E成分有抗氧化功效。另外，車厘子仲含有豐富嘅鐵質，係血液中血紅素嘅重要成分，有助令肌膚白裏透紅。不過車厘子比較燥熱，不宜食過量，否則會引致胃痛同腹瀉等問題架！