著數優惠交流網 » 家居百貨優惠 » 實惠家居低至1折開倉優惠(14年3月15-16/22-23日)

實惠家居低至1折開倉優惠(14年3月15-16/22-23日)

1^# 大中小 雲妮C 發表於 2014-3-5 21:10 發短消息只看該作者

相關優惠: 開倉優惠實惠實惠家居

下星期一連兩個周六、日(3月15日、16日、22日、23日)實惠家居舉行「一折開倉大特賣」，逾千件傢俬、家品和電器，以低至一折起發售，售完即止。

留意，開倉貨品不設退款、退貨或貨品保證服務；除指定貨品，其餘均不設送貨及安裝服務。

廷伸閱讀/相關主題推介:

相關優惠:開倉優惠實惠實惠家居

如果您喜歡這個優惠，請按「讚」或分享給您的朋友，以示鼓勵。

TOP

2^# 大中小 Hingki (IP: x.179.191.x) 發表於 2014-3-15 19:53 發短消息只看該作者

好心你哋啲嘢壞咗就唔好拎出嚟賣啦！

今日嚟你哋開倉，同貼錢幫你哋驗貨冇分別。
兩座直立風扇，試到其中一座係壞嘅，攞返去換，再試又係壞，要換兩次先OK。
最衰係個VDiGi機頂盒，要返到屋企先有電視機試，就中咗伏！遙控器完全冇反應！而家冇遙控器用，已經用唔到好多功能。最慘係唔知VDiGi有冇保養，就算有，都要無端端使多廿蚊兼嘥時間出去換個遙控器，冇嘅話仲要使多$150買個遙控器俾個$199嘅機頂盒用。你哋黐咗邊條線整個咁嘅氹俾人踩？

TOP

3^# 大中小 Hingki (IP: x.179.191.x) 發表於 2014-3-16 16:45 發短消息只看該作者

新發現：原來唔單止個遙控器本身係壞

新發現：原來唔單止個遙控器本身係壞，而且連個機頂盒嘅型號同遙控器嘅都唔一樣！
今日用數碼相機檢查個遙控器，確定咗個遙控器無論按乜嘢掣，紅外線射燈都係唔著。再睇真啲，俾我發現個機頂盒嘅型號係CP-857s，而遙控器嘅型號係CP-386s！我而家嘅情況係：張單寫386，個盒係386，遙控器係386，但係部機居然係857！大家想像你哋買一手中石化嘅股票，居然有部分係中石油嘅碎股，搞到兩樣都唔成一手，情況係幾咁荒唐！
據聞VDiGi唔同型號器材嘅遙控器並不互通，換言之：就算有保養，VDiGi都只會睇單嚟換個新嘅CP-386s遙控器俾我，我都係得物無所用。而家仲要連主機都肯定保養唔到，今次真係俾你哋實惠害死！
若然你哋擺出嚟賣嗰陣寫住話唔包遙控，我都仲可以決定唔買吖。今次呢部機頂盒連同昨日提及嘅兩座直立式風扇，我可以講你哋今次開倉喺貨品當中摻雜廢品壞品，根本係立心不良嘅欺詐！

TOP

4^# 大中小 Hingki (IP: x.202.254.x) 發表於 2014-3-20 23:10 發短消息只看該作者

有驚無險

後來，實惠幫我將情況話俾VDiGi知道，而VDiGi亦肯換番個遙控器以及喺張單改番型號，事件得以解決。實惠以及VDiGi處理今次事件正面態度令我感到欣慰。
而今次亦係一次寶貴經驗，日後買嘢，特別係陳列品，務須打醒十二分精神，因為貨品有可能出現任何狀況，諸如型號唔同咗，或者壞機都照樣入盒賣等。

TOP

著數優惠交流網 » 家居百貨優惠 » 實惠家居低至1折開倉優惠(14年3月15-16/22-23日)