關心妍（Jade）去年全面停工努力造人，為放鬆心情飛到家鄉加拿大休息，可惜徒勞無功，早前痛失父親的Jade坦言未能圓爸爸抱孫心願感遺憾，她表示會採取人工受孕，又說：「如失敗有意領養小朋友，都有認真考慮過。」
關心妍認為結婚十年都應該有ＢＢ。
Jade自下嫁老公楊長智後一直渴望做媽咪，四出尋求產子秘方仍未如願，早前她決定與老公到成長地加拿大溫哥華減壓，兩人踩單車遊郊野，問到有否趁機造人？Jade說：「造咗年幾都未有好消息，已經盡晒力。」年屆34的Jade坦言擔心做高齡產婦，希望今年人工受孕成功。
遺憾父冇孫抱
關爸早前因心肌梗塞逝世，由於離開太快及突然，令毫無心理準備的Jade極度傷心，她說：「去年我生日，爸爸有叫我快啲生個BB，抱孫係佢嘅心願，係一個好大遺憾，嫲嫲都希望我可以達成爸爸願望。」問到有否想過領養？Jade直認不諱說：「如果神注定唔畀我有BB，我都有認真考慮過領養。」
關心妍與老公楊長智都心急想快點有愛情結晶品。
關心妍在加拿大度假，踩着單車四處遊玩。
已過7年之癢
Jade相信老公與她的想法一致，她說：「佢都OK（指領養），不過都係一步一步嚟，都問過好多朋友領養嘅嘢，唔係想像咁簡單。」與老公剛過七年之癢的Jade說：「嚟緊八年喇，覺得一段婚姻去到十年應該要有小朋友。」
