警鐘胸Jessica C.同趙勁皓（阿King）等前晚喺觀塘綵排舞台劇《伊甸》，套劇會喺呢個月19日公演。噚日綵排仲有幾位猛男赤膊騷胸肌，JC着白色吊帶裙，同阿King有唔少親密動作，相信唔少男士都好羨慕阿King。
JC着住吊帶裙瞓喺地，旁邊仲有猛男保護。大隻King赤裸上身抱起JC，表現得好輕鬆。
開心俾仔圍
首次做舞台劇嘅JC話初時有啲緊張，好彩上手之後都順利：「好多男仔抱我，佢哋個個都好大隻。」男友知唔知佢喺劇中有咁多親熱鏡頭？佢話男友當然知，不過詳細冇交代。講到同一班肌肉男一齊，JC笑笑口話：「呢個係工作上嘅bonus，又可以保護我，唔驚跌親。」
阿King就話同JC有親熱戲唔會尷尬，大家仲互相信任。喺劇中阿King有三個造型，其中要赤膊上陣，下身只着一條好細嘅褲。同JC有冇咀嘴？阿King搞鬼話：「我都想有，但冇。」唔怕女朋友盧頌之呷醋？佢話：「我又唔知，但佢咁多場都會嚟睇，嚟監場同笑吓我。」
from:
http://hk.apple.nextmedia ... 131206/18538379
