藝人拍拖都不外乎行街、食飯同睇戲，前晚大約9點半，曾國祥就同佢女友去咗中環荷李活道間餐廳撐枱腳，兩個人揀咗個死角位面對面坐吹水飲嘢，其間曾國祥好似老竇曾志偉咁多多嘢講，初頭女友對住佢都冧冧哋咁款，不過越坐越唔對路，見佢打晒呵欠又玩手機，對曾國祥嘅話題唔多有興趣咁，曾國祥吹咗大約九個字，就出餐廳外食煙，之後埋單同女友上車，唔知係咪知自己悶親女友，喺開車期間，曾國祥都忍唔住輕輕咀女友呵番。
曾國祥猛咁講嘢，最後搞到女友放蚊，睇嚟佢講嘢好悶喎。
3.
煲完煙後，曾國祥返入餐廳埋單。DV圖片
車婉婉唔理男友
【圓方】同樣係拍拖，但車婉婉就同老外男友冇咁煙韌，好有老夫老妻感覺。前晚約11點半，車婉婉同老外男友及一班朋友一行六人喺圓方戲院散場出嚟，婉婉一路冇停口同朋友大聲討論劇情，全程冷落行到最後嘅男友，其他人有傾有講，係得佢男友墮後自己玩手機，留低一個欷歔嘅身影。
採訪：梁繼光、徐錦池
攝影：朱志聰、黃曉程、羅德光
車婉婉同朋友睇完戲出嚟一輪嘴講劇情。
婉婉嘅外籍男友（左一）被冷落，自己大墮後一個人行。
from:
http://hk.apple.nextmedia ... 131124/18521156
