鄭嘉穎同佘詩曼呢對舊情侶噚日為咗搵真銀復合，喺銅鑼灣出席聖誕亮燈儀式。儀式後各自做訪問，突然有位瘋狂粉絲突破圍欄衝向阿佘，不停大嗌：「佘詩曼我好鍾意你呀！」即有數名保安將該名佘粉㩒落地，見到阿佘被嚇到退後幾步，佘粉唔好意思話：「對唔住，嚇親你，但我真係好鍾意你。」阿佘話喺內地經常遇到瘋狂粉絲，但咁驚險都係第一次，佢話：「呢次最驚，我個樣似好冷靜？吓，唔係可以點，對鞋太高又跑唔到。」
唔急結婚
嘉穎同阿佘各自拖住小朋友出場，笑容一致。
嘉穎同阿佘出場時各自拖住一位小朋友，但未有蹺手，嘉穎被指冇英雄救美，佢淨係笑唔答。問情侶價係咪特別高？嘉穎話：「吓，咁幽默，個騷無綫接，我冇所謂。」明年嘉穎同阿佘都返無綫拍劇，公司似乎想佢哋復合搵銀？嘉穎話：「唔知，你哋（記者）高層咩？都冇同我講。」對於《步步驚心》嘅吳奇隆同劉詩詩公開戀情，嘉穎話拍拖公開好正常，仲恭喜埋另一對劉愷威同楊冪，但自己就唔急住結婚。被問有冇機會同阿佘復合？佢話：「唔諗呢啲，暫時朋友關係非常好。」會唔會考慮返內地搵另一半？佢話：「講咗明年返TVB搵食，我係無定向風發展，等上天安排！」
鄭嘉穎同佘詩曼呢對舊情侶噚日為咗搵真銀復合，喺銅鑼灣出席聖誕亮燈儀式。儀式後各自做訪問，突然有位瘋狂粉絲突破圍欄衝向阿佘，不停大嗌：「佘詩曼我好鍾意你呀！」即有數名保安將該名佘粉㩒落地，見到阿佘被嚇到退後幾步，佘粉唔好意思話：「對唔住，嚇親你，但我真係好鍾意你。」阿佘話喺內地經常遇到瘋狂粉絲，但咁驚險都係第一次，佢話：「呢次最驚，我個樣似好冷靜？吓，唔係可以點，對鞋太高又跑唔到。」
唔急結婚
嘉穎同阿佘出場時各自拖住一位小朋友，但未有蹺手，嘉穎被指冇英雄救美，佢淨係笑唔答。問情侶價係咪特別高？嘉穎話：「吓，咁幽默，個騷無綫接，我冇所謂。」明年嘉穎同阿佘都返無綫拍劇，公司似乎想佢哋復合搵銀？嘉穎話：「唔知，你哋（記者）高層咩？都冇同我講。」對於《步步驚心》嘅吳奇隆同劉詩詩公開戀情，嘉穎話拍拖公開好正常，仲恭喜埋另一對劉愷威同楊冪，但自己就唔急住結婚。被問有冇機會同阿佘復合？佢話：「唔諗呢啲，暫時朋友關係非常好。」會唔會考慮返內地搵另一半？佢話：「講咗明年返TVB搵食，我係無定向風發展，等上天安排！」
嘉穎同阿佘合體搵銀，仲同聲話唔介意再合作。
瘋狂粉絲突破圍欄衝向阿佘，被數名保安員㩒落地下。
from:
http://hk.apple.nextmedia ... 131116/18510060
