關之琳昨日在中環IFC為珍珠品牌Mikimoto新店擔任剪綵嘉賓，久未露面的她大談與富商男友陳泰銘的生活點滴。早前有傳她將於明年情人節與男友結婚，問她是否已收到求婚戒指？之之澄清說：「唔係，報道唔係真嘅，𠵱家生活好開心，未到呢個階段，有好消息會通知大家，𠵱家唔會瞞，呢啲事每年都傳一次，大家可能擔心我嫁唔出，我就未有計劃。」
「工人惡過我」
其實二人已拍拖多時，還欠甚麼？之之說：「自己嘅感覺，不過緣份要嚟擋都擋唔住。」她再強調男友還未求婚，若對方求婚她會被嚇怕，她說：「如果係我會好驚，會走，𠵱家生活好好，好開心，再往前一步要付出更多，𠵱家未準備好，順其自然。」
久未露面的關之琳昨日穿上黑白Dior連身裙現身，配上400多萬珍珠首飾，明艷照人。
關之琳大方談及與富商男友陳泰銘的拍拖點滴。
關之琳昨日出席剪綵活動，與品牌高層碰杯。
之之提到男友時經常甜笑，再被問到情人節會否擺酒慶祝？她笑說：「我唔係咁浪漫，以前聖誕新年好興奮，但𠵱家唔係啦，好享受香港氣氛，中國人好鍾意熱鬧，𠵱家唔想往外跑，可能人變咗，以前好hyper，𠵱家好攰，想hea吓。」是否已準備好當少奶奶？她說：「我唔識煮飯，只識扮靚，搵個工人都要識訓練，我唔識，工人仲惡過我。」她續說：「我要求全職，乜都識，但冇諗過上烹飪班，我怕油煙，又鍾意食，身形膨脹。」
有指其男友已正式跟前妻辦理離婚手續，之之大方說：「照我理解唔係報道咁樣，台灣法律都唔係咁，唔想逐樣解釋，好無謂，總之我識佢時已經係single。」
from:
http://hk.apple.nextmedia ... 131115/18508549
