索媽徐淑敏（Suki）轉型做事業女性，家陣全身投入自己美容生意，加上仲有兩個囡囡忙上加忙，隨時仲忙過以前做藝員，但再忙都要輕鬆吓。
前晚Suki同老公黃浩去完日本返嚟，呢對「黑白配」夫婦好分工合作，黑面（膚色）黑衫嘅黃浩就負責推行李，肌膚勝雪嘅Suki就着住白色褸雙手插袋。當見記者上前影相嘅時候，Suki即話冇化妝唔好影。雖然個頭係亂咗啲，但依然咁索唔怕喎。
但睇真吓，唉呀！咪神個樣‧‧‧竟然同老公黃浩餅印咁嘅？不過應該唔關Suki素顏事，因為2009年黃浩都貼過一張同素顏Suki嘅合照，嗰時佢哋都冇咁似㗎，但前日一睇，終於可以話到畀大家知咩叫夫妻相喇。
如果佢哋兩個咁似樣，咁Suki一班fans幻想同Suki約會嘅時候，會唔會突然出現黃浩個樣呢？
from:
http://hk.apple.nextmedia ... 131105/18493384
