黃翠如、諾懿撐華仔劉德華做特首

劉德華近日拍攝短片為前晚在政總集會的香港電視員工打氣，感動不少市民及網民，紛紛封華仔做「劉特首」、「民間特首」，更希望華仔可做真正的特首，而圈中人亦議論紛紛。黎諾懿、郭少芸及徐榮等無綫劇集《愛．回家》演員昨日於葵芳宣傳劇集，對於華仔被高呼做劉特首，諾懿說：「如果佢（華仔）或者郭富城做特首我都支持，華仔平時keep到自己好fit，係意志好強嘅人，好克己，對事物要求應該好高！」諾懿亦表示支持發牌：「咁樣可以百花齊放，多咗選擇未必對公司有壞影響。」

黃翠如昨日在銅鑼灣出席活動時，力撐華仔做特首。

劉德華前晚以視像現身支持集會群眾，台下市民叫他做特首。

（左起）湯洛雯、莊思明、黎諾懿及張達倫扮鬼扮馬，十分應節。

打扮性感的莊思明，玩遊戲時相當忘我。

另一邊廂，黃翠如昨日在銅鑼灣出席活動，對於民間特首華仔也撐港視時，她說：「能夠表達自己，做自己鍾意做嘅嘢，係一件好幸福嘅事，我自己想講嘅喺心裏面講咗。」翠如BB指很多香港人跟她一樣，覺得華仔做人處事認真，態度積極，對於華仔發聲發揮其影響力，翠如BB覺得好，她說：「每個人可以表達自己聲音、睇法，呢樣嘢係幾珍貴，作為香港人，我覺得好好。」可望華仔做特首？翠如BB說：「我一直都好欣賞佢，我諗冇人唔想，但我諗佢唔會參選，今時今日香港政府係最困難嘅工作。」

採訪：王連連、張俊銘
from:http://hk.apple.nextmedia ... 131027/18480835

華仔否認再做爸爸。

劉德華近日拍攝短片為大前晚在政總集會的香港電視員工打氣，感動不少市民及網民，紛紛封華仔做「劉特首」，更希望華仔可做真正的特首。不過昨日他與林家棟、姚晨和安樂老闆江志強在北京出席電影《風暴》記者會，卻封口不談這事，江志強更替華仔擋駕說：「今天不談電影以外的事情。」

對於有說華仔在這片原本是特別演出，戲份並不多，林家棟才是主角，但最後出來家棟卻由主角變配角，戲份被大幅刪掉，華仔就由配角變主角，導致家棟不滿，要結束十多年的賓主關係。不過昨日他倆一起出席記者會都避談此傳聞，華仔只再度否認老婆有第二胎，他說：「記者每天都在說我又有了孩子，那都不準，可能要導演下部戲寫我懷孕，才會真的有吧。」
from:http://hk.apple.nextmedia ... 131028/18482129