名模Jessica C.（JC）一向以「警鐘胸」出名，不過佢對自己嘅樣貌就要求十全十美，可惜天生一對大眼袋，即使化咗妝有時都唔係完全遮晒，結果早前JC叠埋心水去韓國接受割除眼袋手術，鬼妹仔性格嘅佢亦唔介意大方承認整容，𠵱家對大眼袋消失咗，令JC自信返晒嚟。
JC嘅警鐘胸太澎湃，逼到上圍凸點，兼腋下穿咗個大窿。
專業豪放
既然手術咁成功，JC滿意效果，日前醫療集團邀請佢拍宣傳廣告，仲幫佢安排咗多個唔同嘅性感造型，其中一件灰色晚裝，JC真空上陣，作風豪放，即使現場不慎凸點，工作人員見狀立即提示佢，但JC就完全唔介意話：「I'm a professional model（我是一個專業模特兒）！」由於JC嘅一對警鐘胸太澎湃，當佢專業咁擺出唔同甫士影相時，唔只上圍凸點，仲唔小心逼爆晚裝，令腋下位置穿咗個大窿。
另一造型係着住白色背心裙，但攝影師覺得tube dress展現香肩效果更好，JC二話不說就將白色背心裙嘅兩條吊帶扯下，夾喺腋下變成tube dress，果然係專業模特兒。
from:
http://hk.apple.nextmedia.com/entertainment/art/20131021/18472098
