劉青雲掟葉璇落街

劉青雲、黃曉明及方中信等昨日於金鐘宣傳爾冬陞監製的新片《暴瘋語》，青雲大爆片中因精神病發而狂打太太葉璇，更將對方掟落街，葉璇則展示滿手瘀痕。青雲說：「當日葉璇着晒pad，但係打得假就不如唔好打，推佢落地又拖住佢。今次最後一次打人，上次又係佢俾我踢。」鮑起靜則爆女工作人員都怕了青雲。至於黃曉明自爆因拍攝而抑鬱：「曾發短訊給經紀人說不想生存，因為每天辛苦工作，可能進角色太深。」曾患抑鬱症的薛凱琪稱拍此片有如鏡反射，當時曾應醫生要求獨居。
from:http://hk.apple.nextmedia ... 131021/18472185

「好好先生」劉青雲形象健康，經常接拍健康的入屋廣告，如護理產品連鎖店等。近日青雲再接拍「京都念慈菴積熱清」廣告，日前他與女主角張敏潔在元朗為廣告拍外景，兩人要坐在屋外，喝涼茶解熱，二人表現合拍，很快便完成。提到青雲的好男人形象成廣告搶手貨？他謙虛笑說：「可能大家對我有少少誤會，都冇乜特別。」

青雲好友吳鎮宇之前演出無綫劇集《衝上雲霄II》，令人氣衝上雲霄，無綫又有否接洽他拍劇？他說：「好耐之前有，不過𠵱家我好清晰，想喺電影再做好啲先。」至於其妻是否仍有戲癮？青雲說：「我諗佢都有少少，如果佢想拍我都OK，等佢自己選擇啦。」
from:http://hk.apple.nextmedia ... 131025/18478242

古天樂同張家輝老友鬼鬼，飲飽食醉之後搭住膊頭走。

【上環】兩位影帝劉青雲、張家輝前晚同古天樂，加埋電影公司老闆林小明去咗上環好多富豪同圈內人都幫襯嘅尚興潮州菜館消夜，佢哋一行10個人差不多10點到，食到間舖頭11點幾收工落晒閘先肯走，睇嚟一班人食得好開心。

古仔一馬當先行出嚟，已經電話不離手猛㩒，佢個司機好醒目急步上前幫老闆攞外套。而稍後步出帶住帽嘅家輝，就急步上前從後箍實古仔，不知幾老友，一班人都面紅紅，應該飲咗唔少酒。之後各人上番自己架七人車，臨上車前，青雲仲大大聲同各人講：「今晚見啦。」

【上環】兩位影帝劉青雲、張家輝前晚同古天樂，加埋電影公司老闆林小明去咗上環好多富豪同圈內人都幫襯嘅尚興潮州菜館消夜，佢哋一行10個人差不多10點到，食到間舖頭11點幾收工落晒閘先肯走，睇嚟一班人食得好開心。

古仔一馬當先行出嚟，已經電話不離手猛㩒，佢個司機好醒目急步上前幫老闆攞外套。而稍後步出帶住帽嘅家輝，就急步上前從後箍實古仔，不知幾老友，一班人都面紅紅，應該飲咗唔少酒。之後各人上番自己架七人車，臨上車前，青雲仲大大聲同各人講：「今晚見啦。」

青雲最cool行喺最尾，打完招呼就上車走。

家輝情緒最高漲，臨走都周圍搵人傾偈。

青雲（左）同古天樂前晚喺澳門谷新片時話暫時唔會返娘家無綫拍劇。

家輝唔識花旦

其實之前呢班人啱啱去咗澳門出席完新戲《掃毒》首映，青雲、家輝同古仔都曾經係無綫當家小生，講到日前台慶俾網民發起熄電視行動同喺門外示威、撒溪錢，另外啲劇又係咁俾觀眾彈，佢哋會唔會返去拍劇救亡？家輝一聽到話：「呢條問題好啃。」古仔就話仲欠無綫一套劇，但一直冇時間拍。青雲落晒閘：「我冇欠，唔需要我，TVB咁多人。」家輝就笑話回味吓以前拍劇就好，𠵱家就唔好囉。

問到有乜嘢無綫花旦想合作，家輝衝口而出：「仲有咩？」老婆關詠荷囉？家輝話佢哋分開發展，再問，家輝𠵱𠵱哦哦都只係講到佘詩曼同蔡少芬，其他一個都唔多識，睇嚟無綫啲花旦要檢討吓。

採訪、攝影：魯萍、吳耀輝、黃曉程
from:http://hk.apple.nextmedia ... 131122/18518588