黃心穎人氣升多劇拍玩制服誘惑

1^# 大中小 young 發表於 2013-10-18 13:49 發短消息

相關主題: 制服

上屆香港小姐亞軍黃心穎去完印尼選世界小姐返嚟，除咗即刻做番無綫節目《學是學非》主持外，仲開始拍埋劇㖭，心穎BB雙線發展，開心死佢啲粉絲啦！

奉旨黐實Bosco

心穎BB日前客串無綫新劇《點金勝手》，劇中佢飾演黃宗澤（Bosco）個死鬼老婆，心穎BB話：「今次係做Bosco第一任老婆，好快會死，啲戲都係講我哋嘅過去，仲講Bosco最愛係我，影響佢好深。」首次拍劇，心穎BB話好緊張，尤其係同Bosco拍談情戲：「嗰晚最後拍呢場戲，好緊張，本身同佢又唔係太熟，仲要講到佢好愛我，我又怕拍得唔好會阻住大家收工。」

心穎BB人氣急升，帶挈佢劇接劇，難怪佢日前受訪時笑得咁燦爛啦！心穎BB自拍制服look，眼神有啲嘢喎。

（左起）王梓軒、黃心穎、趙希洛同高鈞賢喺赤柱拍節目巡禮。

黃心穎終於拍劇，仲同黃宗澤做一pair㖭。

除咗客串，心穎BB出年1月真係入劇，將會拍同懲教署合作嘅《再戰明天》，日前佢着晒制服同趙希洛、高鈞賢、王梓軒等喺赤柱嘅懲教署學院拍咗節目巡禮，心穎BB話：「劇中會做男主角個妹，一個斯文乖巧嘅妹妹，唔理阿哥反對去考懲教助理，好期待拍真正嘅第一套劇。」將會玩制服誘惑嘅心穎BB笑言：「角色要操都唔怕辛苦，只係怕冇得做箒！」佢仲好開心做完綜藝節目又可以拍劇，畀觀眾睇到佢唔同方面，又學到好多嘢，佢覺得按部就班最好，如果有時間，仲想返訓練班學多啲。

版主：陳基征
from:http://hk.apple.nextmedia ... 131017/18466783

廷伸閱讀/相關主題推介:

相關主題:制服

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-10-23 17:39 發短消息

黃心穎素顏搭巴士

【銅鑼灣】俾高登仔封為心穎BB嘅2012年度香港小姐亞軍黃心穎，早前出戰世界小姐競選雖然輸咗，但係都冇影響佢喺一班高登仔心中嘅地位，經常見到有佢嘅貼圖post出現。前日暫時未有新工作嘅心穎BB，素顏戴住副大眼鏡，望落成個小雲咁款，一個人去咗銅鑼灣時代廣場行街。買咗兩袋戰利品之後，心穎行咗去崇光百貨門口巴士站等車，其間一直玩手機，等咗十分鐘上車一直都冇人認得佢。
from:http://hk.apple.nextmedia ... 131023/18475113

TOP

3^# 大中小 young 發表於 2013-10-31 12:56 發短消息

心穎落妝變倒模阿智

\
人有相似，高登仔又發揮「尋」人威力，為去年港姐亞軍黃心穎找到失散「哥哥」蔡一智，飄逸長髮的心穎BB沒化妝的樣子，竟跟長髮披肩的蔡一智猶如餅印！而無綫前音樂總監鄧智偉的稜角面及打風頭，就與NBA球隊的公牛logo倒模一樣，令人笑到噴飯！

高登仔昨日發帖「今日我終於知道黃心穎點解咁熟口面」，並上載了心穎BB與阿智的相片，兩人的髮型及樣子都好似，網民留言笑他們是失散多年的兄妹，心穎BB應改名叫蔡一穎，不過BB迷卻痛心謂：「好哋哋一個靚女，就咁畀你毀滅咗！」阿智在微博轉發留言，並向心穎BB打招呼：「阿妹你好！」心穎BB回覆：「哈哈竟然俾人識穿咗我哋兄妹的身份㖭。」

心穎BB與阿智（右圖）的飄逸長髮、眼仔睩睩確實勁似，心穎更指着阿智的相片合照。

微博圖片
約跳森巴舞

心穎BB昨接受電話訪問時說：「張相其實真係幾似，自己都笑出嚟，可能我哋又長又直頭髮，大家都開朗，感覺相似。我唔覺毀滅喎，幾好吖，一齊跳番part森巴舞，我做草蜢仔。」心穎BB曾見過阿智兩次，但她覺得真人不似：「以前有工作人員話我似鄧萃雯，近排多人覺我似周柏豪、張敬軒，自己唔會唔開心，做藝人要娛樂大家。」亦有人覺得她似徐子淇及《反斗奇兵》的動畫人物Sid Phillips。