甄子丹替身幫拖

甄子丹套電影《3D冰封俠》大前日復工，傍晚6點半左右戴住墨鏡踢拖嘅子丹行到中環安慶台，見佢埋位整古裝頭，因為天氣熱，工作人員仲幫佢準備咗杯凍咖啡。之後子丹開始指導鏡位，現場仲有個同佢着到一模一樣嘅替身，所以子丹都唔使點拍。
from:http://hk.apple.nextmedia ... 131005/18450344

甄子丹和鄭中基早前接受有線訪問，子丹談到新片《特殊身份》中卧底角色是向周潤發的舊作致敬。今趟身兼監製、動作指導及主角的子丹表示是首次演蠱惑仔和卧底，他說：「我特別搵番啲經典戲睇借鏡，好似周潤發套《龍虎風雲》嘅高秋，嗰種爛撻撻感覺，戲入面仲會發脾氣講粗囗鬧人。」

另外，子丹和黃聖依前晚9時許在中環拍攝電影《3D冰封俠》，當子丹抵達時，即有外籍fans捉着他合照。一向在《冰》片中穿古裝的子丹，今次以現代人身份跟黃聖依拍攝行街戲，吸引半百觀眾圍觀。
from:http://hk.apple.nextmedia ... 131006/18451691

甄子丹低潮時銀行戶口僅得100元，但仍咬實牙關度過難關。

當宇宙最強遇上傳媒巨人，會擦出怎樣的火花？本周《亂噏24》便請來甄子丹，在黎智英（肥佬黎）和蔡瀾兩名彪形大漢面前毫無懼色，看來已有葉問一打十的覺悟。由今日至本周五每日播出兩集節目，讀者可於《蘋果動新聞》網頁觀看，亦可在http://bit.ly/appletalk24重溫，足本版則於周四晚上11時播出。

窮得剩100元

肥佬黎先發制人，一來便單刀直入圖挫對方銳氣：「你話『宇宙最強』，呢個花名係人哋畀你，定自己畀自己？」丹爺臉色一沉，只尷尬說：「人哋畀我嘅，媒體啲朋友畀嘅啫，我覺得即係……好過鬧你吖！」以為肥佬黎得勢不饒人，誰知丹爺回神後立刻挽回氣勢，更不介意分享入行31年所經歷的低潮——銀行戶口僅得100元，逼着借貴利的日子，為的是證明「信念」兩個字。原來「宇宙最強」並不是說他打遍宇宙無敵手，而是那份毅力與自信，令肥佬黎和蔡瀾大為欣賞。

（左起）肥佬黎、甄子丹和蔡瀾惺惺相惜。

丹爺今日在鏡頭前信心十足，多得太太汪詩詩的功勞，他自問以前是內向的人，難免予人很cool感覺，又不懂得表達自己。對此肥佬黎有點質疑：「𠵱家睇又唔似喎！你坐落嚟都未停過（口）喎！」丹爺笑說：「我有備而嚟嘛，你幾部機對住我，唔通我唔出聲咩！」
from:http://hk.apple.nextmedia ... 131007/18452639

原來「宇宙最強」甄子丹都有認低威的時候！第一，他為即將上映的合拍片《特殊身份》任監製，不得不為過檢而妥協；第二，當被問到與成龍「隻揪」誰勝誰負，他竟亂噏答成龍，即被黎智英（肥佬黎）喝罵！《亂噏24》足本版逢周四晚上11時播出，讀者可在http://bit.ly/appletalk24重溫。

撰文：馮國康、Sidekick
人稱「宇宙最強」的甄子丹，母親麥寶嬋是舉世聞名的武術家和太極高手，他年輕時也曾在美國參加武術比賽奪冠，絕對打得兼睇得。肥佬黎當然知道丹爺的功夫底蘊，便隨口問：「如果你同成龍打，邊個贏？」豈料丹爺答：「梗係成龍啦！」即時辣着肥佬黎：「你亂噏啦，你條友真係識撈！肯定你贏啦，成龍都唔係真係功夫嚟！」連蔡瀾也不認為成龍是真功夫：「佢頭腦打贏囉或者！」肥佬黎給丹爺多一次機會，問他可覺得李小龍是真功夫？丹爺答得認真得多：「梗係啦，我認為千千萬萬嘅人都覺得佢係（真功夫）。」

甄子丹文武雙全，功夫勁之外，又彈得一手好鋼琴。

肥佬黎（左）和蔡瀾（右）均讚甄子丹是個疼愛老婆的顧家男人。

澄清冇霸戲

電影《葉問》令丹爺紅遍亞洲，肥佬黎忽然想到條橋，就是讓他飾演葉問徒弟李小龍，又笑稱假若內地批准他開戲（機會微乎其微），他也夠膽投資：「你應該拍李小龍，因為全世界都賣！」丹爺不以為然，深深吸了一口氣後說：「我就咁睇，其實我拍咗兩套《葉問》，咁已經深入民心，咁再做李小龍會唔會有啲怪怪哋呢？」肥佬黎以其生意人眼光堅稱這條橋必定work，反而丹爺欠缺信心：「全世界賣箒，但你猛俾人鬧吖嘛，啲人去睇你點演得差吖嘛！我之前演關雲長已經俾人話演得差。」

蔡瀾心中有個疑問，非要親口問丹爺不可：「《龍虎門》你係武術指導，本身劇本一睇你係配角嚟，但我好佩服你，可以搞到自己係主角！」誰知丹爺反應甚大：「嘩蔡生，乜你言中有語嘅！你意思係咪話我搶咗主角個位？所以我當住三個camera講先，唔係你夾硬屈我！」蔡瀾笑嘻嘻的聽他解釋。「由始至終呢個劇本都係我做主角，你問番黃玉郎先，唔係就搞到霆鋒唔開心！」肥佬黎見丹爺如此激動，嘗試安撫，丹爺則繼續澄清：「嗰個劇本叫做《王小龍傳》，呢個係鐵一般事實！」

被問與成龍（右）「隻揪」誰勝誰負，甄子丹竟未打先認輸。

錫妻好男人

眼見丹爺有火，肥佬黎急轉話題，輾轉間說到《葉問》導演葉偉信。眾所周知，丹爺與葉偉信合作無間，甚至有傳丹爺拒演《葉問3》，就是因為導演不是葉偉信。丹爺認為《葉問》成功，是導演加插他的「好男人」形象入電影之故：「我話咦，你寫嗰個葉問唔係完全根據歷史，佢答話係從我生活上係一個家庭男人，延伸到角色入面。所以葉問入面，點樣錫佢老婆呀、點樣返屋企食飯呀……」蔡瀾插嘴：「都係你自己經歷！」此時丹爺才順番條氣。

無疑《葉問》是丹爺「遲來的春天」，他將功勞歸於太太汪詩詩，太太這十年來給予他很多運氣，也令其性格變得外向。肥佬黎說：「我對你係素仰，唔係因為你係宇宙最強，我覺得你咁樣對太太，係好感動。以你一個打仔出身，個人咁活躍，婚姻又點解咁好呢？」丹爺即時糾正：「我覺得唔應該用個standard話打唔打仔嘅，斯文都有敗類嘛，每個人都有選擇權利，去決定人生路途。其實我好盼望一段好成功嘅婚姻，當然我亦都有過失敗嘅婚姻。」

甄子丹指妻子汪詩詩令他改變內向性格。

服裝：CK
化妝：Omix B
髮型：Warden Luk of IL Colpo
學放下形象

丹爺自問拍《葉問》之前，從未認真鑽研過演技：「原來觀眾鍾意我演技喎！」但在磨練演技之前，必須先學懂放下形象：「我踎低可以幫仔女挽鞋抿屁股，同大俠形象相反！」肥佬黎十分認同，尤其覺得放下ego（自我）才可演得收放自如，但丹爺認為這點與練功夫背道而馳：「搏擊係乜箒？打倒別人吖嘛！係好有ego嘅嘢。」換言之要有取捨。

宇宙最強在娛圈打滾31年，肥佬黎問他可有「驚」的時候？丹爺自信爆棚的答：「驚？我已經過咗呢個階段，應該可以調番轉嚟講，我點樣做得最好。」即場舉出日前擔任周杰倫演唱會嘉賓的例子，還以為他擔心唱《龍捲風》唱得不好，誰知他說：「我擔心跌咗支雙截棍咋！」結論是，他的自信才是宇宙最強。

新片北上要過檢　宇宙最強都要俾面
http://bit.ly/talk241401

銀行得$100　子丹認借貴利
http://bit.ly/talk241402

婚後性格大改造　怕醜仔變開籠雀
http://bit.ly/talk241403

費事成龍嬲　謙稱唔夠揪
http://bit.ly/talk241404

大陸拍戲麻煩多多　港人怕怕避談政治
http://bit.ly/talk241405

被寸片場戲霸　丹爺怒呼冤枉
http://bit.ly/talk241406

港動作片拳拳到肉　意外傷人頻生
http://bit.ly/talk241407

識英雄重英雄　丹爺周董紅館較量
http://bit.ly/talk241408

拋低男士形象　港星挽鞋抿屁股
http://bit.ly/talk241409

甄子丹宇宙最強　認低威
http://bit.ly/talk241410
from:http://hk.apple.nextmedia ... 131011/18458636

甄子丹前日到廣州宣傳電影《特殊任務》，近日有傳佢嘅片酬有3,000萬，佢話：「片酬係市場決定，唔係我想要幾多就有幾多。」有記者提起趙文卓（小圖），佢話：「當初係我邀請佢拍呢部戲，後來發生咗一啲事，我親自同佢經理人商量，後來佢攻擊我，當時話我哋罵戰，其實我從來都冇回應，我諗我唔會再同趙文卓合作。」
from:http://hk.apple.nextmedia ... 131019/18469832

甄子丹夫婦和鄭中基夫婦等前晚在尖沙嘴出席《特殊身份》首映禮。開拍時子丹和趙文卓（小圖）爆罵戰，子丹日前在內地宣傳時指不再與趙文卓合作。子丹前晚說：「唔係我特登開名講，有時間鬧交不如返屋企食飯。」擔心網上批評影響票房？他說：「網絡暴力係精神攻擊。」趙文卓如道歉可接受？他說：「佢應該對所有受牽連嘅人道歉。」
from:http://hk.apple.nextmedia ... 131020/18471169

甄子丹否認冷待大仔，只是不想他拋頭露面。

甄子丹前晚在北京出席時尚雜誌活動，同場有韓國歌手Rain、梁家輝、黃曉明及佟大為等。

早前子丹被指不理大仔甄文焯，即使入院也未有照顧，子丹否認並直斥傳媒太不負責任：「我們經常打電話聯絡，感情很好。」子丹又指大仔還在求學階段，很少露面，因此外界對他與兒子的事知道不多，現任太太汪詩詩早前出席活動時，也有為子丹澄清。

子丹與眾男藝人獲得年度「十大吸引力明星」獎，十位男明星同台，不但齊齊集體獻飛吻，還跳大腿舞，黃曉明雖然腳傷剛癒，也忍不住拖着好友佟大為齊齊跳舞。
from:http://hk.apple.nextmedia ... 131104/18491868