肥媽生子宮瘤，唔敢睇報告

肥媽昨日約醫生睇報告，下月入院割子宮、卵巢和輸卵管。

現年59歲的肥媽瑪利亞早前發現子宮生瘤，其中一個大6.3cm，由於醫生指收經後生瘤情況不妙，肥媽擔心影響上周舉行的兩場「3個女人1個墟演唱會」，堅持完成演出後才看報告，昨午肥媽終於約醫生睇化驗結果，事後她透過助手回覆說：「醫生話將子宮、卵巢同輸卵管一次過切除，唔會有大礙。」

之前肥媽在演唱會上淚灑舞台，完成演出5日後，昨日才看醫生了解病情，肥媽透露醫生安排她下月11日入院，翌日做手術切除整個子宮，永除後患，手術後休息兩星期就可以，不需電療和化療，她會勇敢面對病魔，多謝大家關心。

愧對夫婿

肥媽15年前曾患腸癌，當時她剛新婚一年，隱瞞老公入院做手術，出院後袁詠儀介紹她看中醫，肥媽日前接受本報訪問說：「但呢次老公年紀又大咗，睇住佢個樣好憔悴傷心，呢排佢成日做司機接送我，呢幾個月畀我最大感觸，就係我對老公好唔公平，老公仲叫我結多次婚，成日想搞派對令我開心，不過我哋今年啱啱先補搞婚禮，唔通咁快又搞多次咩？」

肥媽上周在紅館開騷前，已發現子宮生瘤，但不敢睇報告。

肥媽患病令老公心痛不已，希望再搞結婚派對
from:http://hk.apple.nextmedia ... 131011/18458626

肥媽上載照片向親友報平安。

肥媽瑪利亞早前發現子宮生瘤，本周二在養和醫院接受了五小時手術，切除子宮和卵巢，昨日肥媽在微博報平安：「手術非常成功，多謝大家關心！」相片中的肥媽的右手握着床柄借力坐起身，左手則豎手指公為自己打氣，網友紛留言祝她早日康復。據肥媽助手表示：「肥媽精神好好，醫生話已經切除晒，化驗結果唔係癌症。」助手指肥媽老公每日到醫院探訪，有工人陪過夜照顧，現仍未知肥媽何時可出院，由於她老公想她專心休息，故謝絕朋友探訪。
from:http://hk.apple.nextmedia ... 131116/18509971