天后容祖兒早前在無綫「優秀選」遭冷落，令英皇拉隊走人，同為「英皇人」的張敬軒將此事「攬上身」，歸咎自己腳頭唔好，笑言「返去頂菠蘿跪榴槤」，不過軒仔表演時卻BOYZ上身，大唱密友關智斌的歌。
鍾舒漫在台上又唱又跳，更即興剝衫。
歌手張敬軒、鍾舒漫（Sherman）、洪卓立（Ken）、馮允謙及許靖韻前晚出席「新城唱好張敬軒軒動全城音樂會」，軒仔不避嫌翻唱「密友」關智斌（Kenny）的《預言書》及《LA LA世界》。
爆是非急忙認衰
完騷後，問到軒仔會否鼓勵Kenny再唱歌？他即說：「佢做戲算啦，係新血路，聞說佢開始揀戲拍。」他忽然笑問：「我係咪好似BOYZ？（似邊個？）張致恒，哈，我又瀨嘢喇！」提到容祖兒日前綵排無綫「優秀選」時遭冷落，英皇即拉隊走人，軒仔笑言：「點解我去到邊都會咁，係咪我腳頭唔好？最衰係我，返去要頂菠蘿跪榴槤反省吓。（之後炒咗兩位導演？）咁大鑊。（有冇收order唔出席無綫活動？）一切由公司決定。」
軒仔（左三）在騷後與一眾歌手齊開香檳。
張敬軒在台上施展渾身解數，並選唱密友Kenny的歌，送給遙遠的他。
關智斌
洪卓立乜都唔見
另外，有指英皇事後有作出讓步，叫Ken返轉頭做錄影，Ken澄清一直在現場，但跟祖兒綵排時間不同，見不到她。有指Kay打尖？他亦說看不到Kay。提到他在微博呻被女友湯怡逼敷面膜，他直認難受不喜歡！至於Sherman的男友吳浩康（Deep）當晚為座上客，她仍大露背跳勁舞，表現落力，她指Deep有讚她：「佢知我練到腳痛，叫我去按摩。（唔叫佢按？）佢都搵人按啦！」
from:
http://orientaldaily.on.c ... /00282_023.html
