「浸大E神」楊焉（Carol）近月積極備戰格鬥比賽，體能愈操愈勁，日前更升拳后，剪了短髮的她揚言找到合適自己的Style，希望長Keep「型」象，不怕流失Fans。師傅則讚Carol技術不錯，但笑她欠殺氣如打開心拳擊。
剪了一頭短髮的楊焉被讚臉部輪廓突出，更有自己Style。
o靚模出身的「浸大E神」楊焉今年復出後改名又減少性感工作，最近更剪了短髮操拳，似想走型女路線，她直言已學拳兩年，到近期愈打愈上癮，日前更在綜合格鬥比賽中勝出，榮升拳后！
提到練拳好像消瘦了，Carol表示因脂肪練成肌肉，其實磅數反而增加，幸E Cup上圍並沒縮水：「Cup數Keep到，手腳就Firm咗，仲有腹肌，以前覺得上鏡偏肥，依家幾好。」至於短髮look，Carol表示朋友及Fans都讚適合她，更直言找到自己的Style，希望拳賽後繼續Keep短髮：「公司話靚就得，好多人仲覺得我輪廓出啲，個樣又細個咗。（影響工作量？）以前主要做model工作，依家想有番自己性格，況且化妝同衣着都可以變番女仔啲，唔擔心。」
楊焉獲向柏榮師傅大讚進度不錯。
Carol練拳後體能大躍進。
Carol力度夠猛，但殺氣不足。
愛傻笑冇殺氣
近月Carol不停練習打到周傷瘀傷及肌肉酸痛，她說：「我幾男仔頭，鍾意挑戰自己，練拳直頭跟足拳手操練方法，學晒拳腳、膝撞、鎖技同摔撻，練體能都好『甘』，估唔到支持到！（受傷？）有呀！手拳瘀晒，關節都扭親，一開始好驚，唔敢同師傅打，後期已經上晒力，參加得就要去盡！」身旁的向柏榮師傅大讚Carol進度不錯，埋身鎖技發揮甚好，而且力度夠猛，不過他踢爆Carol經常傻笑，猶如在打「開心拳擊」，Carol笑說：「我就係冇咩殺氣，成日笑！」
from:
http://orientaldaily.on.c ... /00282_034.html
