吸睛雨僑晒Bra狙擊僭建莊思敏

1^# 大中小 young 發表於 2013-10-1 10:58 發短消息

自《喜愛夜蒲》開始，情色愛情電影再大行其道，導演錢國偉在《夜蒲3》繼續以激情作賣點，焦點落在林德信跟雨僑的床戲上。而向來擅拍愛情電影的導演葉念琛，新作《溝女不離3兄弟》亦有一場由緋聞女友莊思敏露bra情挑陳奐仁的床戲。前者激情熱辣，後者抵死性感鬥吸睛，難得曾合作《姊妹淘》的雨僑及莊思敏毫不錫身鬥「胸狠」，34C雨僑更晒bra狙擊同是34C僭建咪咪的莊思敏！

情色電影當道，激情電影再有市場，導演葉念琛本月17日上映的新作《溝女不離3兄弟》，除秉承他一貫的愛情主線及抵死對白外，還安排緋聞女友、身高5呎9吋的莊思敏拍一場除衫露bra，色誘怕醜仔陳奐仁的床戲。鏡頭以陳奐仁的主觀鏡為主打，一身OL打扮的莊思敏對着鏡頭逐件衣服除下，終露出內裏一件價值3,000多元的Bubbies胸圍，最後她只着bra及內褲，大騷打正旗號僭建的34C咪咪，加上黑絲誘惑兼胸壓之下，陳奐仁終成為獵物！

葉念琛為思敏清場

葉念琛昨日接受電話訪問時，表示花了一個下午拍攝，他說：「拍嘅時候都有清場，不過兩個演員都好放，仲畀咗好多意見，陳奐仁老婆都冇嚟監場。」對於緋聞女友莊思敏性感演出，他笑說：「我係導演，梗係要在場，唔通去食雲吞麵咩！」他透露電影會在重陽節時安排特別場及謝票，又會即場送名貴禮物給現場觀眾。

【瞓身色誘】雨僑與林德信大前晚於灣仔拍攝電影《喜愛夜蒲3》床戲，雨僑晒bra施展色誘。

【逐件脫下】莊思敏向着鏡頭逐件剝，最後剝淨bra上陣。

【擒獲奐仁】莊思敏擒獲陳奐仁，場面搞笑又香艷。

【請「食」蛋糕】陳奐仁兜面「質」莊思敏食蛋糕，認真大整蠱。
from:http://hk.apple.nextmedia ... 131001/18444774

廷伸閱讀/相關主題推介:

相關主題:莊思敏雨僑

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-10-1 10:58 發短消息

林德信雨僑激咀

【忘我激咀】

雨僑與林德信激咀，相當投入。

另一邊廂，錢國偉的《喜愛夜蒲》系列已拍到第三集，今集加入林德信（Alex）及雨僑，二人大前晚在灣仔一住宅拍攝床戲。劇情講二人同居，Alex為挽回感情，跟只穿上白色薄tee透bra及內褲的雨僑床戰以性換愛，由廳咀到上床。雖然要拍親熱戲，但現場並無清場，逼滿近30人，導演錢國偉事先跟雨僑及Alex飲白酒，希望幫助他們放鬆，演出更放更投入。

林德信代解bra扣

埋位前，Alex不時叫雨僑一同試位，二人先拍在廳中的咀戲，由於要試戲及以不同角度拍攝，結果二人咀了近十次。到戲肉床戰，錢國偉親身示範互相調情，劇情要Alex攬住雨僑再為她除bra帶，試位時工作人員用布為雨僑遮着，她亦做足安全措施，打孖穿兩條內褲。戲肉時，擁有34C上圍的雨僑脫去外衣，雖然5呎6吋身高的她較豐滿，在床上露出胸圍及內褲，仍叫人熱血沸騰！她跟只穿boxer的Alex女上男下，雨僑做出挑逗動作，Alex為她解扣及拉下bra帶，接着再上床激吻。

【除Bra帶】

林德信除下雨僑的bra帶，意識大膽。

【赤膊迎戰】

林德信赤膊上陣，攤在床上等開戰。

床戰很快順利拍完，Alex與雨僑一同看playback檢討，完全沒有尷尬。以往甚錫身的雨僑說：「雖然有心理準備，但見到成屋人，都有啲緊張！」Alex則懶叻表示身為專業演員不可以緊張。雨僑又笑言剛食過羊肉及蒜頭，令自己有口氣，Alex亦自稱曾飲咖啡及食榴槤：「冇諗過要刷牙喎，一埋位就拍！」
from:http://hk.apple.nextmedia ... 131001/18444776

TOP

3^# 大中小 young 發表於 2013-10-1 10:58 發短消息

大比拼：夜蒲女Vs僭建女

雨僑（左）、莊思敏
莊思敏與雨僑去年因合作主持《姊妹淘》而成為閨密，本來32A上圍的莊思敏，大前年公開承認隆胸及整容；「夜蒲女」雨僑則愛在網上發表美容及唱歌片段，揚言不用隆胸。

雨僑

年齡：28歲
身材：34C、25、36
背景：香港大學生物系畢業、8級鋼琴資格。

入行經過：07年拍攝電影《出水芙蓉》後獲簽約做歌手，現為中國3D數碼娛樂藝人。

代表作：09年勁爆頒獎禮創作歌手獎、前年舉行演唱會及推出美容書。

緋聞：羅力威

莊思敏

年齡：33歲
身材：34C、24、36
背景：大馬拿督女兒，珠海書院工商管理學系畢業。

入行經過：00年以模特兒身份入行，曾參與電影及電視節目，現為中國3D數碼娛樂藝人。

代表作：今年以7位數投資化妝學校Beauty Kingdom。

緋聞：吳浩康、林忠豪及葉念琛
from:http://hk.apple.nextmedia ... 131001/18444778

TOP

4^# 大中小 young 發表於 2013-10-3 11:48 發短消息

雨僑減肥迎激烈床戰

雨僑噚日到新城宣傳，早前佢同林德信在新戲只穿內衣拍床戲，雨僑話：「其實拍完後我就驚咗好耐，因為我仲有啲肥，怕效果唔好，現場幾十人多數係男人，都要飲酒壯膽。」同男友羅力威係咪咁激？雨僑尷尬講咗兩次唔識答，又話冇問羅力威有乜反應。雨僑又透露雖然同林德信場床戲已經係底線，不過就聽聞月中去韓國，同當地男演員拍嘅溫泉偷食戲會仲激，佢話：「而且家開始驚，要減定先拍！」
from:http://hk.apple.nextmedia ... 131003/18448546

TOP

5^# 大中小 young 發表於 2013-10-4 18:13 發短消息

莊思敏自家設計靚牛

模特兒出身的莊思敏酷愛時裝，早年她更推出自家品牌的男裝T恤，可惜卻虧損倒閉離場，她直言：「我真係好鍾意時裝，以前我就試過開設自己設計嘅男裝T恤品牌，不過就因為規模細，要依靠山寨廠嚟製作T恤，成日貨不對辦，搞到我哋冇貨畀客！」

酷愛時裝的莊思敏，為興趣再接再厲。

「失敗乃成功之母」，再接再厲的莊思敏最近又與品牌合作，推出自己親自設計的牛仔褲系列，她表示：「我好鍾意服裝設計，咁啱有模特兒朋友經營牛仔褲生意，所以合作推出我設計嘅四款牛仔褲，我只負責設計，唔使承擔製作成本，如果賣到仲有錢賺。」莊思敏今次果然夠精明！

莊思敏與朋友合作，親自設計牛仔褲。
from:http://orientaldaily.on.c ... /00282_040.html

TOP

6^# 大中小 young 發表於 2013-10-14 16:16 發短消息

雨僑帶內衣戰韓男

電影《喜愛夜蒲3》衝出香港，噚日兩位女主角雨僑同許亦妮現身機場，準備出發去韓國首爾拍外景。兩位靚女素顏現身，預備一落機就去開工。

雨僑話今趟會同韓籍男演員一齊浸溫泉，當然會有尺度大膽嘅激情戲，佢話：「同對手唔熟，反而冇咁尷尬，我帶咗三套私伙內衣，𠵱家已開始節食。」而許亦妮就舒服得多，主要拍濕平戲。
from:http://hk.apple.nextmedia ... 131013/18461411

TOP

7^# 大中小 young 發表於 2013-10-18 13:47 發短消息

雨僑纏綿後屙嘔

莊思敏、雨僑同陳柏宇等噚日去咗中環做網站頒獎活動嘉賓，莊思敏就重感冒都到場，佢話應該係同之前被葉念琛傳染嘅沈震軒食飯中招喎。同樣病嘅雨僑就話喺韓國拍《喜愛夜蒲3》外景嘅一場珉泉纏綿戲出事，佢話當時喺個水池浸足幾個鐘污糟水，為咗拍攝唔敢吐水出嚟，最後搞到又屙又嘔，仲話現場一啲都唔浪漫。
from:http://hk.apple.nextmedia ... 131017/18466822

TOP