將於本月六日下嫁英籍未婚夫的歌手李蕙敏（Amanda），獲時裝品牌贊助過百萬元的性感晚裝，日前她試身時就「益街坊」大谷事業線，高貴得來不失性感！不過，面對人生另一個階段，Amanda就自爆心情緊張到爆，仲搞到瞓唔着。
李蕙敏谷胸試穿Vivienne Westwood晚裝，閃亮高貴。
李蕙敏將於英國時間10月6日下午，於當地同英籍未婚夫Serge Micallef舉行婚禮，日前，「幸福少婦」Amanda就抽空到倫敦的Vivienne Westwood訂造服裝店試晚裝，她一向是品牌粉絲，贊助商特意挑選了多套不同風格的高貴晚裝給Amanda試穿，總值超過數百萬港元，認真貴氣逼人！
撇「老公」開P
身形fit爆的Amanda除「益街坊」大騷事業線外，又不吝嗇展示靚膊及玉背，她更有幸穿上未推出市面的新款高踭鞋，她笑言：「我估呢對高踭鞋最少有6吋高，但着得我好舒服，而且同好多款晚裝都好襯，充滿年輕感！」
李蕙敏與Serge 周日拉埋天窗。
回禮的茶葉包裝十分別致。
不過，快將出嫁的Amanda就自爆婚期愈近，心情愈緊張，她說：「依家緊張到瞓唔到，幸好有未婚夫一家幫手備婚禮，先減輕唔少工夫。而且英國呢幾日都好陰天，希望婚禮當日天朗氣清，可以順利完成。」她又透露，由於「老公」Serge一直在港工作，所以婚後會「嫁雞隨雞」，跟隨另一半留港生活。而今日牛一的她，昨撇低「老公」，同一班姊妹大搞生日派對。
李蕙敏對每件晚裝都十分喜歡。
李蕙敏出嫁在即，緊張到瞓唔着。
茶葉送賓客
此外，Amanda又感激茶商向二人送上「厚禮」，她說：「茶商知道Serge鍾意飲茶，飲茶亦係中國人傳統，所以設計咗呢套回禮禮物送給賓客，而且絲帶上亦都印有我同Serge嘅名，十分有心思。」
from:
http://orientaldaily.on.c ... /00282_019.html
