早排去毛里裘斯做嘢，俾人誤會靜雞雞飛過去結婚嘅Yumiko鄭希怡，上個禮拜二（九月十七日）同未來老公Andy約咗兩個朋友去中環置地high tea。
平日打扮都似cat walk嘅準新娘，當日黃色小背心黃色指甲油，再襯埋個黃色電話套。有黃氣包圍，不過《壹》仔雙眼，只係聚焦Yumiko右手中指、粒石有雞眼咁大嘅巨鑽求婚戒，鑽石要大大粒，偏偏佢手個電話殼係淘寶貨。
距離十一月大喜日子時間剩番唔係好多，Yumiko早排去試婚紗，新娘子嘅髮型師、化妝師都有到場幫手，試身都要兩人四手幫，真係嫁嗰日，點都要隊兵至得。
大日子就到，戴住未來老公送嘅巨鑽求婚戒，Yumiko笑到見晒牙。
準新娘手上淘寶電話殼晒上網，幾十到過百人仔都有。
十一月拉埋天窗，Yumiko同未來老公秤不離鉈。
