黃日華祝王菲找到幸福

黃日華偕妻梁潔華今年12月7日銀婚紀念，前晚二人與女兒黃芷晴在沙田大會堂舉行「雙華銀婚粵韻獻愛心之香港導盲犬協會慈善籌款夜」，籌得逾63萬元。好友苗僑偉（三哥）偕妻戚美珍及江美儀等撐場。談到王菲離婚，結婚25年的黃日華坦言：「聽到都好愕然，希望佢哋選咗呢條路，未來都會各自找到幸福。」三哥亦覺好可惜。有指年輕人看到這些報道會對婚姻失去信心，三哥說：「咁諗係錯嘅，每日都有咁多人結婚同離婚。」
from:http://hk.apple.nextmedia ... 130916/18424708

藝人黃日華與太太梁潔華前晚在沙田舉辦《雙華銀婚粵韻獻愛心》來慶祝二人結婚25周年，順道為導盲犬籌款，女兒黃芷晴及一眾好友包括張兆輝、陳百祥與太太黃杏秀、苗僑偉與太太戚美珍、夏雨、關禮傑等均有出席。黃日華表示結婚周年正日為12月7日，至於到時會否大搞，他說：「唔會啦，唔想勞師動眾，都係同家人、好朋友食餐飯。（同老婆互送禮物？）一直都有。」而在旁的芷晴就踢爆爸爸年年都有送花給媽媽。談到王菲、李亞鵬離婚一事，華哥表示愕然：「世事難料，既然佢哋決定行呢條路，就希望佢哋喺未來日子搵到各自幸福。」

黃日華（右）搞慈善騷慶祝銀婚，老友三哥撐場。

張兆輝就透露個多月前已推job留檔期出席，並應好友要求做善事當作賀禮。問他會否辦結婚周年派對？他笑言自己很懶兼且未夠期：「我都係15、16年，未咁快諗，到時先算啦。」而三哥苗僑偉則表示還有兩年就銀婚：「畀黃日華提醒，到時都會搞吓party，大家開心下。」三嫂笑言三哥每日都有「驚喜」給她：「以為佢返屋企佢就唔返，以為唔返就返，神出鬼沒。」提到「菲鵬離婚」，三哥大感可惜，問他婚姻可曾出現危機時，二人笑說：「兩個人相處嗌交一定會有，不過冷靜過後會更勝從前。」

阿叻與秀姑拍拖捧黃日華一家三口場。

梁潔華

右起：關禮傑、張兆輝與夏雨坐埋好好傾。
from:http://orientaldaily.on.c ... /00282_018.html