宅男女神岑麗香前晚在新劇中舔腳板醫水泡，火速被網友惡搞得意識不良，她與溫家偉昨日出席活動時，二人緋聞同樣成為焦點。碰巧影合照時，二人夾在張兆輝中間，變身電燈膽的張兆輝即搞笑地與溫家偉你推我讓，更作狀打交，場面有趣。
張兆輝（中）與溫家偉作狀打交，引得在旁的香香哈哈大笑。
張兆輝、謝天華、徐子珊及岑麗香等昨日到商場宣傳無綫劇集《神鎗狙擊》，有傳香香被大隻港男溫家偉力追，起初合照時張兆輝夾在兩人中間，張兆輝搞笑地說：「我企中間會阻住喎！」溫家偉笑謂：「你知就好啦！」兩人又作狀打交，將香香你推我讓，場面有趣，引得香香大笑。香香及溫家偉同聲否認撻着，香香說：「開心係好朋友關係，但目前以工作為主，呢一年都好忙。」擺明向大隻仔派檸檬。
舔腳板遭網民惡搞
前晚一集香香被張致恒欺騙可用口水醫水泡，她竟伸脷舔腳，結果成為網民潛力圖，有網友將她的腳打格仔，並留下意淫評論。香香對此說：「我要澄清，咁核突嘅水泡腳係化妝化出嚟，希望大家唔好將個焦點放喺身材同打格仔度，今次拍劇大家都好努力。」
香前晚於劇中舔腳板成為網上熱話。
密實的徐子珊不及Chok爆的謝天華搶鏡。
天華型過湯告魯斯
謝天華於劇中邊攀山邊講電話，被轟情節誇張。他坦言是臨時加料：「本來冇講電話，我想增加戲劇效果，令到個角色更Chok、大膽同自信。湯告魯斯拍戲都徒手攀山，但佢冇講電話，我想型過佢嘛！」張兆輝亦力撐情節只為造出視覺效果：「大家唔可以用真實嘅角度睇，應該用拍電影個角度，真實都冇咁多爆炸。單手聽電話都只係為咗令大家記得。」對於拍檔周海媚被指形象過於老氣，他力撐女方猶如吃了防腐劑，跟他相當匹配。
此外，子珊以黑色魚網衫上陣，對於被香香搶風頭，她笑言：「佢拍得好辛苦，得佢一個女仔做飛虎係好突出，而且佢真係好可愛。（你諗過做打女？）唔啦！個個都覺得我可以，可能大家見我識跳舞，但係做打女好辛苦，又易受傷。」
from:
http://orientaldaily.on.c ... /00282_037.html
