龍小菌勒緊荷包又係歌手，又係補習天后嘅龍小菌，除面罩後「錢」途仲好過𡃁模露暈除胸罩，緋聞男友兼經理人邵子風當然功不可沒。
身兼多職，但上個禮拜一（九月二日）開學日，《壹》仔居然見到佢同兩個助手去銅鑼灣行街shopping，先去莎莎打個白鴿轉，再殺入SOGO試護膚品。
開學日都咁得閒，原來Miss龍唔係走堂，只係剛剛教完暑期中文班，要停工錄新碟，遲吓會再响補習社開常規班繼續教書。書中自有黃金屋，龍小菌以最高身價開班，絕對好搵過做歌星，不過佢使錢使得好手緊，護膚品全部齋試冇幫襯，反而見到有慈善團體街頭募捐籌款買米送俾長者，Miss龍二話不說叫助手攞錢，果然應使得使。
行街冇收穫，反而見到街頭募捐，龍小菌即刻叫助手俾錢。
去到SOGO，龍小菌睇護膚品，捽吓手試完就閃，想佢大開荷包殺戒，難！
行入幾乎個個女人都會跌錢嘅連鎖化妝品店，龍小菌夠定力，冇幫襯，走人。
