孭住譚詠麟契仔入行的關楚耀（Kelvin），終於跨出事業新一步，於九展舉行了首次個人演唱會，得歌神張學友做嘉賓力挺外，合作電影《重口味》而認識的衞詩雅，亦專登到後台探班；赤裸上身的Kelvin見到女神，即刻又攬又錫，撻着晒！
食蛋三個月入行七年，終於開個唱的關楚耀，事前花了半年時間勁操，開騷當日，公開展示成績，騷盡人魚線及六嚿腹肌。
「過去嗰三個月，每日淨係食蛋谷肌肉，食到悶就用攪拌機攪爛啲蛋，加埋乳酪同香蕉三樣嘢攪埋一齊食，真係聞到蛋味都怕。你見我開騷前飲啲酒，因為可以令人放鬆啲，威士忌係keep fit時唯一可以飲嘅酒精，配白烚雞胸一齊食，好好味。」Kelvin邊飲酒邊說。
Kelvin在後台飲住威士忌食雞胸，既可以放鬆一下，又可以壯膽，一舉兩得。
為了操fit自己，Kelvin花了三個月戒口兼做運動，結果操得巨胸兼人魚線，甚有睇頭。
半裸擁抱
心儀對象到後台探班支持，Kelvin開心得兩度擁抱詩雅，真情流露。
處男開騷，不少圈中前輩及朋友都專誠入後台為關楚耀打氣，當中包括伯父泰迪羅賓、羅霖、周汶錡、陳柏宇等，但最特別的一個，是於開騷前一個半小時已到場的衞詩雅。
「當時Kelvin化緊妝整緊頭，詩雅就咁喺出面等咗成粒鐘，直到有人通知佢Kelvin搞掂喇佢先入去。Kelvin見到詩雅，開心到冇著衫都唔理，前後兩次攬佢同錫佢，雖然只係錫塊面，但大家都睇得出Kelvin好冧好肉緊。」在場人士說。
孖住去P關楚耀與衞詩雅因為合作電影《重口味》結緣，早前因女主角陳靜（DaDa）突然失蹤，宣傳變得集中在二人身上後，關係才出現變化。
「之前開戲都冇嘢嘅，直到早兩個星期有朋友生日，咁啱兩個都識壽星仔，佢哋做完電影宣傳就一齊去生日會；Kelvin因為第二日有嘢做，嗰晚一點就走咗，到兩點幾就有個喺現場嘅朋友，收到佢WhatsApp問詩雅走咗未？又問佢有冇醉？無端白事點會咁吖，個朋友問佢係唔係追緊詩雅，佢就話遲啲先講，總之鬼鬼馬馬啦！」關楚耀身邊人說。
張學友坦言睇住Kelvin成長，所以當他邀請自己任個唱嘉賓時，一口便答允。
在電影《重口味》中結緣的Kelvin與詩雅，除了成為好友外，男方更有意追求女方。
俄羅斯女舞蹈員專程飛來與Kelvin合作，兩人大跳辣身舞，令到場內氣溫急升。
入行七年首次開個唱的Kelvin，得到唱片公司全力支持，更得到Nike垂青，贊助還未推出的新款波鞋。
Kelvin曾與羅霖合作拍戲，又得到周汶錡開設的美容院贊助做facial，廣結人緣。
本來會趕去撐契仔場的譚詠麟，雖然最後因工作關係未能出現於Kelvin的個唱中，但收工時仍不忘現身慶功宴，以行動支持Kelvin。
撰文、
