Ling（高海寧）嘅「球」技，唔少高登仔都讚like，其實本身有成五呎八吋高嘅佢，唔只靠心口吸睛，佢對43吋長腿同樣煞食。
前幾日，高Ling就同女性友人去中環ifc濕平。着住火辣超短裙，好巧妙咁，將觀眾嘅視線由上帶往下。佢對又白又滑嘅長腿，真係恨死啤梨身形嘅媽咪姐囉！
高Ling同朋友去咗一間日本化妝品公司，試完粉底又試唇膏，再殺入附近間Top Shop掃背心裙（左圖），最後買咗大堆戰利品返歸。
留意高Ling當日完全冇化妝，只係戴咗副黑框平面眼鏡遮黑眼圈。望落去都好順眼，冇乜走樣。
高Ling早兩日以一套透視上衣內配一件三點式泳衣出席活動，唔怪得俾高登巴打奉為女神。
