Plan B雖然係後備，貴為日本玉女掌門的北川景子，昔日亦只是Plan B，被公司視為澤尻英龍華的後備。卒之北川攝位成功，套套日劇擔正，《推理要在晚餐後》更由日劇玩到電影版，電影版上映十日觀眾已經逾100萬人次，擺明得宅男力撐。所以話Plan B女隨時變Plan A甚至正印，有辦你睇！
北川景子03年以平面模特兒身份，成為「模art」，最初都係做大茄多，直至在真人版日劇《美少女戰士》飾演「火野麗」，才算有戲做。北川因劇中的可愛形象受宅男追捧，令她開始得到經理人公司Stardust事務所注意。不過，由於北川和當時紅透半邊天的澤尻英龍華外形相近，最初北川只是接收澤尻唔吼的工作，換言之即係澤尻的替身。直到澤尻個朵臭晒，加上北川主演的電影《反轉豬腩是王子》勁收，她才正式上位。
為慶祝出道十年兼27歲，北川景子上月推出寫真集《27》，大騷長腿同透視誘惑，一改形象。
自摸一筒寫真中，她的性感相唔算多，不過都有自摸左胸誘宅男。
扮純上位北川靠扮純情上位，在《反轉豬腩是王子》她扮純情溝肥豬男（左），真係少啲演技都唔掂。
長腿誘男北川03年在真人版《美少女戰士》飾演「火野麗」，由於成日要起飛腳兼露底，吸納唔少宅男fans。
姣攬型男北川專門偷食靚仔，城田優、玉木宏、山下智久都是她前度。因拍電影《天堂之吻》，北川與男主角向井理撻着，睇見北川攬住向井理流晒口水個樣，該煨囉！
猴擒木村在日劇《月之戀人》中，北川只係第三女主角，不過她有一幕抄足《喜劇之王》箝實木村，勁搶眼。
煙不離手北川幕前賣乖賣可愛，其實佢係煙剷一名，日食三包煙，甚至到上海拍日劇《月之戀人》時，亦不理機組人員目光，扯煙扯至關閘前一刻。滿口煙味已經攞命，北川記對白亦好唔掂，拍《惡夢小姐》時更試過連累劇組兩日只拍一集，比原定進度慢一半，而且半途北川發脾氣離場，仲同工作人員話：「呢兩日狀態唔好，記唔到台詞，聽日再拍過！」認真大支嘢。
戲內永遠靚靚見人的北川，其實都是一名魚乾女。北川曾經向傳媒自爆：「我由朝早起身到出門口，五分鐘就搞掂。我鍾意賴牀，成日嚟唔切梳頭就要出門口，咁我就會用水整濕頭髮，之後喺保母車上打開窗，吹乾頭髮兼夾梳頭！」
她更話自己落樓下購物，仍然是穿着中學時的運動服。講得好聽就是環保，但北川話晒都係明星，又真係隨便得過分！
管家做神探《推理要在晚餐後》改編自小說，故事講述富家千金北川景子走去做警探，不過她破案全靠晚餐時同管家櫻井翔講案情，由櫻井翔找出破案關鍵。原著在日本有300萬本銷量，11年亦曾拍成日劇，平均收視率15.9％，乃近年少數高收視之作。
電影版周四（12日）在香港上映，今次在豪華郵輪上發生命案，北川景子更被綁架，與櫻井翔一起被流放荒島！
北川景子同櫻井翔係主僕關係，又係歡喜寃家，櫻井翔成日暗寸北川係白癡，而北川被寸親，就會話要炒櫻井翔。
竹中直人（右）飾演一名笨賊，諗住趁發生血案時渾水摸魚。
櫻井翔要籌鉅款贖回被擄的北川景子，好在得賭客宮澤理惠借出賭本，櫻井翔至贏到足夠贖金。
