陳豪和岑麗香昨日應邀到停泊在尖沙嘴碼頭的古船濟民號出席手錶活動，香香明艷照人，被問到跟大隻仔溫家偉的緋聞，香香否認說：「只係咁啱一齊返公司食個tea，大家係friend啲，都係外國返，又合作過幾次，好多飲食節目都拍檔過。」大隻仔大讚香香完美，似乎有意追求，不過女神香香不為所動說：「唔覺得佢追我，我諗係誤會，我連一餐飯都喺公司食，邊有機會拍拖。」香香擇偶表示外形不重要：「最緊要心哋好，另一半可以令自己進步，神會安排Mr.Right畀我。」
【C女郎】
香香昨日穿上露肩裙出席手錶活動，明艷照人。
陳豪續約求幸福
香香日前在無綫劇《神鎗狙擊》穿性感小背心跑步練體能，成功突圍，她說：「服裝係特別設計，因為角色特別，要喺男仔堆中突出自己嘅實力，我都明白，呢個係talking point，希望觀眾朋友留意每一個演員。」不過香香的小背心似乎未能帶挈收視，前晚平均收視只有24點（約154萬觀眾），最高亦只升一點有25點（約161萬觀眾），成績麻麻。
有說古董腕錶可以一代傳一代，陳豪被問到想買一隻男裝或女裝錶傳給下一代，他笑說：「Good question，遲啲會公佈，等佢（指老婆陳茵媺）返嚟先。」陳豪還有半年便約滿無綫，他表示：「關乎將來，每度都會傾，一定會以家庭為主，提供幸福，自己開公司就唔會喇！」
陳豪穿上黑西裝，官仔骨骨出現。
溫家偉昨日出席發佈會時表示對香香有好感，但又不敢追求。
另外，溫家偉和黎瑞恩等昨日在赤鱲角出席「2013高球界關愛行動」發佈會，溫家偉公開承認對香香有好感，有否影響友情？他說：「講完冇見過，可能佢笑緊我。」有否想展開追求？他笑說：「冇乜諗，我寧願同佢做好朋友，唔想拍拖之後有乜嘢發生就唔識大家。」
採訪：楊潔雯、黃曉妍
from:
http://hk.apple.nextmedia ... 130913/18420818
