身兼歌手及電台DJ的區文詩（Angela），月前跟唱片公司高層「吵大鑊」，氣憤下爆粗及在網上撰文辱罵唱片公司高層，結果激嬲老闆被掟入「雪櫃」，出碟、開演唱會全叫停，但自詡「賺錢買花戴」從未驚過的她，有意反客為主跟唱片公司提早解約，更以「It's not a big deal，我講粗口so what？」回應講粗口事件。
區文詩懶理入「雪櫃」，登台之餘繼續遊山玩水。
現年30歲的Angela於上周四在Facebook撰寫近200字狂數某人不是，並列出16宗罪包括：「卸膊、口賤、小人、懦夫、有彩自己攞有鑊人哋『咩』（孭）」等，用詞辛辣，明顯她已激到上頂；不過最爆是形象高貴的她，在回應留言時竟講粗口：「係呀！特別係ｘ人嗰陣時！講粗口仲叻呀！」
據知令Angela失儀的導火線是於一個月前，她擅自公布唱片公司內部事宜而被急「照肺」，她堅持「我冇做錯」，公司高層一句：「再係咁就hold起你張唱片」，導致她情緒失控。不歡而散後，依然「chok」住條氣的她再致電同事爆粗「鬧多鑊」，唱片公司老闆張國林盛怒下「雪藏令」，待她完成美國登台工作後就暫停她所有工作。
大把job唔憂錢途
前晚準備自美國回港的Angela接受電話訪問時，承認和公司同事發生誤會：「Facebook嘅文章純粹情感抒發，我同唱片公司老闆、同事都好friend，今次我仲同Nicholas（唱片公司太子爺、副總經理張人丰）一齊去，只係同一小撮人夾唔到，我冇開名，不過歡迎對號入座。」去年9月才續了3年約的她直言有意解約，她說：「唔知解唔解到，我都好忙，要等月尾先可以同公司坐低慢慢傾。」
區文詩穿上透視裝登台，大騷「心口」。
區文詩在fb「炒蝦拆蟹」完，專程到餐廳食蟹。
唱片公司老闆張國林不滿區文詩的自大，已對其下雪藏令。
Angela已錄了幾首歌於年底出碟，面臨出碟夢碎也不感可惜，皆因「錢」途無限：「我唱歌為興趣啫，我開舖頭，做電台（DJ），唔係靠唱歌搵食，唔出唱片唔會死！（依家公司要雪你？）佢哋管唔到我，公司都冇畀工作我，雪同唔雪冇太大分別。」如提早解約可須賠錢給唱片公司？Angela則說未知，而已錄好的新歌或自資購回。
談及爆粗發難，Angela自言朋友知她「係咩人」，寸嘴用英文反問：「I think It's not a big deal（冇乜大不了），我講粗口so what（點啫）？」她有信心不會影響電台DJ工作，本是專業的DJ，工作同私人時間分得清楚，她自辯爆粗有理：「要用粗口對付一個同事，可想而知我有幾嬲！」
一錯再錯話唔聽
至於Angela的唱片公司總經理黃先生昨日接受電話訪問時，直認同事曾和Angela發生爭拗，並已暫停她所有工作：「老闆希望佢唔好一錯再錯，但佢唔聽，用粗口鬧同事嘅聲帶，公司有keep住，老闆好嬲，覺得好唔尊重公司、同事。」黃先生似暗寸Angela自大：「佢之前自己接工作，可能養成『獨立、自主』嘅個性啦。」
from:
http://orientaldaily.on.cc/cnt/e ...0912/00282_001.html
