高海寧濕平素顏省鏡

高海寧（高Ling）之前以一套透視上衣內配一件三點式泳衣出席活動，佢嘅球技技驚四座，唔少高登嘅巴打都奉佢為女神咁膜拜。其實都係搵食箒，平時高Ling行街時都比較密實，唔似佢去搵真銀活動時咁搏。好似大前日下晝5點幾，高Ling就同位女性友人去咗中環嘅ifc濕平，平時花枝招展嘅高Ling打扮好平實，一條紅色短裙仔再襯披肩，加上四眼素顏look，成個附近返工嘅OL咁。雖然高Ling冇化妝但望落都好順眼，唔似有啲女星落咗妝就兩個樣，難怪咁多高登仔鍾意佢。

高Ling揀心頭好嗰陣，問友人意見。

揀完一輪化妝品，高Ling選擇唔碌卡畀現金找數。

狂掃化妝品

高Ling同朋友去咗一間日本品牌嘅化妝品公司，好落力咁睇唇膏、粉底同指甲油，嗰位朋友仲不時畀好多意見，佢兩個前後逗留咗成個鐘，買咗一大袋戰利品離開。高Ling出嚟嘅時候發現記者，即刻話自己都係行街睇嘢冇乜特別。之後佢哋徒步行咗過去品牌店Top Shop，高Ling對一款頗性感嘅露背裙情有獨鍾，試完之後就即刻畀錢，再行返去停車場攞車走人。

買完化妝品佢哋再去咗睇衫，最後高Ling掃咗條露背裙。

買咗幾袋戰利品之後，高Ling（左）同女性友人離開。
from:http://hk.apple.nextmedia ... 130910/18416110

為爭取做「足球BB」的高海寧，對1D成員Louis踢慈善足球賽被踢傷致嘔吐一事極為關注，得知對方球員收fans「死亡恐嚇」時大感驚訝：「我覺得fans都應該理智啲，大家都係為慈善出力，發生意外冇人想，搞到要有『死亡恐嚇』太激進啦！相信佢哋嘅偶像聽到都會唔開心！」

高海寧認為偶像知道fans太激進都會唔開心。

而身為球迷的周秀娜和何佩瑜（Jeana）均認為狂迷的舉動過激，實屬不智，娜姐說：「如果Louis痛到嘔，fans係咪應該送個嘔吐袋畀偶像仲實際？不如等Louis好番同佢練吓波，喺球場搵番對方報仇好過！」至於Jeana亦認同娜姐的講法，認為暴力解決不到問題：「fans喜愛偶像係好，但為偶像而犯法真係有啲傻。」

娜姐表示呵番偶像仲實際。
from:http://orientaldaily.on.c ... /00282_005.html