面對爆破場面如此逼真，同場的羅仲謙也戴上飛虎隊面罩，走到最有利位置，並以手機拍攝留念，還四圍與同劇演員分享影片。謙仔透露已非首次拍攝爆破場面，故未有如其他女演員般嚇到要躲避，還抵死謂：「頭先拍片到最後，我仲即刻除帽整yeah手勢，證明係我拍嘛。（唔驚部電話熱溶？）所以我用工作人員嘅手機拍囉，哈哈！」
全副武裝上陣的羅仲謙有型有款。
害怕得蹲在汽車旁的黃智雯與胡定欣則同聲表示首次面對如此激烈的爆破場口，智雯笑謂：「感覺又驚又想睇，好興奮，但到起身已經爆完，好在現場好多人拍片。頭先攝影師話試過拍呢啲場面冇咗成頭頭髮，聽到梗係驚，所以先至個頭有咁低蹲咁低，（有市民以為係真報警！）都見到有警察嚟了解，都係拍戲啫，如果騷擾到附近居民，都要講聲唔好意思！」定欣就驚嘆：「真係爆到好勁，feel到塊面好熱，工作人員叫迴避時都有小心走遠啲！」
黃智雯（左起）、鍾嘉欣及胡定欣在爆破場面後興奮合照。
from:
http://orientaldaily.on.c ... /00282_002.html
