四哥謝賢女友坐名車買酒

1^# 大中小 young 發表於 2013-9-7 13:49 發短消息

相關主題: 女友

謝賢（四哥）早前獲乖仔霆鋒送咗架勞斯萊斯，出入有司機接送好巴閉，連四哥女友CoCo都受惠。前晚8點幾，CoCo同女友人坐住四哥架勞斯萊斯去跑馬地買酒，唔知係咪唔識揀，所以售貨員不停推介，最後買到心頭好後，CoCo就同女友人離開。原本架勞斯萊斯泊喺店前，但因為趕車駛前咗幾步，CoCo出到嚟唔見架車好慌張，要友人提醒先識上車。

採訪、攝影：徐錦池、畢紹基
from:http://hk.apple.nextmedia ... 130907/18412482

廷伸閱讀/相關主題推介:

相關主題:女友

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-10-21 23:25 發短消息

四哥喪母撐到底

謝霆鋒疼錫的嫲嫲大前日在澳洲病逝。

謝賢（四哥）母親大前晚在澳洲悉尼的療養院病逝，享年101歲。四哥現身在葡萄牙拍攝無綫真人騷《三個小生去旅行》，據悉無綫曾着他提前結束行程，但四哥強忍喪母之痛堅強撐到底，亡母後事由胞弟處理。四哥昨日在電話中語氣平靜說：「我就返香港，返嚟先問啦。」他將於下周二（22日）由葡萄牙返港。

身在北京拍戲的霆鋒，昨被問到會否趕赴澳洲奔喪時，其經理人霍汶希回應說：「要等四哥通知，盡量請假。」霆鋒原定下周在北京出席新片《一生一世》舉行的記者會，將延至本月28或29日舉行，而謝婷婷昨透過助手表示不作回應。
from:http://hk.apple.nextmedia ... 131019/18469861

TOP

3^# 大中小 young 發表於 2013-10-23 17:40 發短消息

四哥打點亡母後事

四哥稱今日和婷婷會到澳洲，打點亡母的身後事。

謝賢（四哥）母親日前在澳洲悉尼的療養院病逝，享年101歲，在外地拍攝無綫真人騷《三個小生去旅行》的四哥，昨午4時許與大隊從伊斯坦堡回港。問到亡母的身後事，四哥說：「我聽日（今日）會去澳洲兩日，同細佬商量點樣做，霆鋒同孫仔都唔會去，婷婷陪我過去。」言談間四哥更稱霆鋒下次才會過去，相信指嫲嫲的喪禮日期。

亡母有否心願未了？四哥說：「唔好再問，媽媽會喺澳洲安葬，因爸爸啲骨灰喺嗰邊。」有否與霆鋒通電話？四哥說：「乜都溝通過晒！」同行的胡楓和Joe Junior讚四哥很專業，亦有安慰他。
from:http://hk.apple.nextmedia ... 131023/18475096

TOP

4^# 大中小 young 發表於 2014-10-7 12:12 發短消息

四哥走頭避講仔情事

譚詠麟（阿倫）、李克勤、曾志偉、苗僑偉、謝賢（四哥）及女子組合Super Girls昨日雲集澳門名勝大三巴，出席澳門英記餅家旗艦店的開幕儀式，吸引大批遊客圍觀。

阿倫（右）、志偉（右二）及四哥（左）在澳門出席餅店開幕儀式。

因兒子謝霆鋒和王菲復合而成為焦點人物的四哥表現風騷，全程笑笑口又拋餅給圍觀的遊人，不過完成儀式後他急急腳離開，明顯是封嘴避傳媒。

身為餅家代言人的阿倫，問到和志偉可有恭喜四哥？阿倫說：「我同四哥唔講呢啲，霆鋒私人感情留啲空間畀佢啦。」之後透露自己將會舉行慶祝入行四十周年跨農曆年演唱會。而志偉則說：「我都覺得係好事嚟，最緊要佢哋開心。」
from:http://orientaldaily.on.c ... /00282_016.html

TOP

5^# 大中小 young 發表於 2015-3-13 17:37 發短消息

四哥賣仔怕被殺

資料圖片

四哥謝賢前日喺內地接受一個節目訪問，提到喺霆鋒出道嗰陣，有唔少人話佢係為咗幫四哥還債先入行，四哥好坦白咁講呢件事，佢話：「根本沒有這件事，假如我真的把謝霆鋒『賣』掉了，謝霆鋒今天會殺了我，對不對！」四哥再三強調係流言，但係冇諗過去告人，佢話唔想幫人宣傳，總之人哋寫乜嘢都好，冇所謂，唔會嬲，果然薑係越老越辣！

撰文：馮仁昭

馮仁昭
from:http://hk.apple.nextmedia ... 150313/19074014

TOP

6^# 大中小 young 發表於 2015-4-10 15:14 發短消息

四哥型爆濕平

謝賢前日一身運動裝喺銅鑼灣買運動用品。

【銅鑼灣】謝賢（四哥）雖然已經78歲，但依然型到爆，前日晏晝大約4點鐘，習慣束辮仔嘅四哥，戴住黑超同cap帽，全身運動裝喺銅鑼灣加寧街一間大型運動用品店shopping；店內好多女顧客見到四哥都超開心，大聲細聲咁話：「四哥呀！四哥呀！」一向對女仔特別溫柔嘅四哥，就全程笑騎騎同女店員傾偈，而且入去唔夠幾分鐘就扑槌買咗對做運動用嘅手套，之後佢都有睇運動衫同波鞋，但最後睇唔啱冇買，前後行咗15分鐘就走人喇！

採訪、攝影：梁繼光
from:http://hk.apple.nextmedia ... 150405/19101655

TOP