女星李曼筠（Maggie）早前推出飲食書，證明擁有美麗外表之餘同樣入得廚房，她表示平日不怕污糟，會親自到街市買餸，見她果然對揀海鮮甚有心得，可惜卻被賣菜婆婆嫌棄叫「行開啲」，令她非常無奈。
愛下廚氹家人的Maggie喜歡行街市買餸，但她笑言講價一定輸。
「動漫Maggie」李曼筠早前花了大半年時間，終完成推出飲食書的心願，她為新書捐窿捐罅幫讀者尋訪美食，介紹範疇包括中西餐、甜品、美酒及調味料等，可見這位80後美少女對飲食甚有研究，她表示平日也會親自下廚，亦不怕污糟落街市買餸，這日她到油麻地街市揀魚買菜，見她對挑選海鮮分外有心得，拿起花蟹、大蝦及蜆等，即可侃侃而談分享各種煮法及注意事項，果然厲害！
講價一定輸
不過，「新界人」Maggie甚少到九龍買餸，有賣菜婆婆以為她靚女只是「得個殼」，竟不客氣說：「睇你咁後生就知唔識煮餸啦！行開啲，唔好阻住。」令Maggie啼笑皆非，事後Maggie作出大平反，笑言人不可以貌相：「我平時會打扮得casual啲，可能今日裝扮咗，就畀婆婆誤會，如果佢唔信，我邀請佢嚟我屋企，整餐好嘅佢食，而且唔代表細個就唔識煮餸嘅，我由細到大都會跟媽咪行街市，覺得好有親切感，鍾意同啲姐姐傾偈，學到好多嘢，呢種感覺係行超級市場冇嘅，不過我講價唔叻，一定輸。」
Maggie揀蔬菜時一臉認真。
Maggie對揀海鮮甚有心得，為食的她特別拿手煮蟹。
鍾意食海鮮
Maggie平日也會下廚氹父母，問到最拿手的菜式，她說：「屋企食飯會簡單啲，我最鍾意食海鮮，食多咗都唔會肥，清蒸蟹係我最愛，因為食到蟹肉鮮味，避風塘或者椒鹽嘅煮法都好正！我仲識果皮蒸鮑魚，呢個整法都幾特別o架！」每逢講起美食，Maggie即滔滔不絕兼一副為食樣，非常得意！
from:
http://orientaldaily.on.c ... /00282_091.html
