袁詠儀（靚靚）前日42歲牛一，晚上10時許，老公張智霖（Chilam）於上環的私房菜包場為愛妻大搞生日派對慶祝，約了郭富城、沈嘉偉邱淑貞夫婦、練海棠伍詠薇夫婦、蔡一智夫婦及黃佩霞等好友狂歡。
張智霖前晚包場為老婆袁詠儀慶祝42歲生日，𠱁到靚靚好開心。
蔡一智和伍詠薇即興玩咀嘴，令友人爆笑。
城城禁問新歡
最近跟葉熙祺傳緋聞的城城，前晚撇甩新歡單拖搭的士現身，問他送甚麼禮物給靚靚？他說：「我啱啱喺北京做完電影宣傳返嚟，同啲friend夾錢買咗禮物。」提到近日的傳聞時，城城即落閘說：「唔好問啦。」
大班人玩到凌晨近1時才離去，蔡一智和伍姑娘竟然扮咀嘴，𠱁到大家狂笑；靚靚攞住鮮花在老公陪同下步出大廈，記者叫他錫啖老婆，Chilam竟大笑彈開。對於靚靚早前於微博呻老公於《衝上雲霄II》戲份被刪剪不快，Chilam否認：「講笑箒，只係睇到佢話吳鎮宇好靚，我好妒忌。」
《衝II》不停踩線
昨日Chilam現身灣仔出席手錶品牌活動，獲大會送218萬元陀飛輪腕錶，他坦言自己都準備送手錶給老婆做生日禮物，再問是否為刪戲不開心？他解釋：「唔係戲份被剪，有取捨我都明白，自己有時可能俾自私蒙蔽，忘記咗整體，套劇唔係你一個拍，當然想每場都有自己份。」Chilam謂會出席結局宣傳活動，笑言宣傳多過拍戲，對於網民搞笑希望他和吳鎮宇一對，Chilam笑說：「咁咪又俾人投訴，我哋不停踩緊底線，唔係咁易接受，保守少少好啲。」另外，吳鎮宇昨日在微博上載搭飛機相，Sam哥上身留言：「國泰評分應降到比東方低，國泰不要步英航後塵，制度老化。」
採訪：徐錦池、張俊銘
攝影：畢紹基、陳志嵐
靚靚在私房菜館舉行生日派對，更切三個蛋糕。微博圖片
邱淑貞前晚出席派對，為同是港姐出身的靚靚慶生。DV圖片
緋聞纏身的城城前晚單拖赴會，拒提新歡葉熙祺。
from:
http://hk.apple.nextmedia ... 130906/18410783
