高Ling高海寧不敵甩褲羅蘭

羅蘭、高海寧和吳卓羲昨日在海洋公園出席「哈囉喂全日祭」，高Ling以白髮魔女造型示人，但仍不及「龍婆」羅蘭出位，羅蘭出場時載歌載舞，但跳跳吓竟然甩褲，露出肉色打底褲，幸她處變不驚，慢慢將褲頭拉起，繼續完成整個舞步。

羅蘭風頭蓋過扮白髮魔女的高海寧和吳卓羲。

猛抽褲頭的羅蘭跳到甩褲，幸處變不驚。

事後羅蘭姐說：「好彩有條長褲打底，因為條褲好重。」今年還有間主題鬼屋，羅蘭姐會聲演嚇人，她說：「今年好巴閉有間古董店，之後都會帶班老友記來，不過有人話驚唔敢去。」

吳卓羲表示曾跟一大班朋友去哈囉喂，有男有女，否認會借機媾女或抽水，他說：「我自己都驚，唔會乘人之危喇！帶女仔嚟梗係唔夠膽，怕見到記者。」
from:http://hk.apple.nextmedia ... 130905/18409199

高海寧昨日變身白髮魔女，出席哈囉喂活動，她說到鬼屋玩時，要識得保護自己，而同場的羅蘭以青花瓷裝打扮，跳舞時不慎「老貓燒鬚」跳甩褲，好彩經驗十足的她即刻把褲抽起，過程有驚無險！

高海寧為設計這個白髮魔女造型，參考了很多書。

高海寧、吳卓羲與羅蘭昨出席《海洋公園哈囉喂全日祭》活動，扮白髮魔女的高海寧表示這個造型是自己設計，她說讀書時每年都有玩萬聖節：「同男仔女仔都有，見過有個男仔喺鬼屋驚到衝去攬住人，認真唔man。（你驚都會攬住人？）我會捉住朋友隻手。」問到有否試過被人搏懵時，她笑言會保護自己：「最緊要護胸。（約心儀男仔去？）女仔矜貴啲都係等人約好。」

至於以青花瓷裝上陣的羅蘭甫出場不多久便跳舞跳到甩褲，不慎露出入面的啡色長褲，幸好執生能力超強的她即若無其事將褲抽起，她事後笑說：「好彩有條長褲打底，雖然套衫係度身訂造，但衫上面嘅裝飾太重，我發覺唔對路，都即刻叉腰，抽住條褲。」對於其中一間鬼屋叫「羅蘭靈異古董店」，羅蘭笑言「冇畀自己嚇親」:「我仲嚇番扮鬼嘅人。」

羅蘭跳舞太投入，搞到甩褲露出一大截打底褲。

右起：吳卓羲、盛智文、羅蘭與高海寧出席哈囉喂活動。

吳卓羲拒做筍盤
吳卓羲則以吸血疆屍造型現身，問有否帶心儀對象玩鬼屋，以顯示他的強壯本色時，他笑說：「我怕畀記者見到呀，又唔可以乘機搏懵o架嘛。」本月2日34歲生日的他表示正日跟家人和以前的舞蹈員朋友慶祝，生日願望是自己及家人身體健康。問有冇女埋身？他說：「冇呀，依家日日都同田蕊妮開工，（喺TVB搵？）搵錢同搵樓先，愈多愈好！（想唔想學陳豪做筍盤？）筍盤唔好呀，太多緋聞。（依家都多緋聞？）所以要刪減啲。」
from:http://orientaldaily.on.c ... /00282_013.html